ஆண்டின் இரண்டாவது கிராண்ட்ஸ்லாம் அந்தஸ்து பெற்ற பிரான்ஸ் பகிரங்க டென்னிஸ் தொடர், தற்போது விறுவிறுப்புக்கு பஞ்சமில்லாமல் நடைபெற்று வருகின்றது.
செம்மண் தரையில் நடைபெறும் சிறப்பு மிக்க இத்தொடரில், தற்போது முதல் சுற்றுப் போட்டிகள் நடைபெறுகின்றன.
இதில் நடைபெற்ற ஆண்களுக்கான ஒற்றையர் பிரிவு முதல் சுற்றுப் போட்டியொன்றில், சுவிஸ்லாந்தின் ரோஜர் பெடரர், உஸ்பெகிஸ்தானின் டெனிஸ் இஸ்டோமினுடன் மோதினார்.
பரபரப்பாக நடைபெற்ற இப்போட்டியில், ரோஜர் பெடரர், 6-2, 6-4, 6-3 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.
பெண்களுக்கான ஒற்றையர் பிரிவு முதல் சுற்றுப் போட்டியொன்றில், அமெரிக்காவின் சோபியா கெனின், லத்வியாவின் ஜெசெனா ஓஸ்டாபென்கோவுடன் பலப்பரீட்சை நடத்தினார்.
விறுவிறுப்பாக நடைபெற்ற இப்போட்டியில், சோபியா கெனின், 6-4, 4-6, 6-3 என்ற செட் கணக்குகளில் வெற்றிபெற்று இரண்டாவது சுற்றுக்குள் நுழைந்தார்.
