வவுனியா ஈஸ்வரிபுரம் மக்களுக்கு உலருணவுப்பொதிகள் நேற்று(செவ்வாய்கிழமை) வழங்கிவைக்கப்பட்டது.
நாட்டில் முன்னெடுக்கப்பட்டுள்ள பயணத்தடை காரணமாக ஈஸ்வரிபுரம் பகுதியில் கூலித்தொழிலை நம்பிவாழும் பொதுமக்கள் பல்வேறு அசௌகரியங்களிற்கு முகம்கொடுத்திருந்தனர்.
இதனையடுத்து அயல்கிராமங்களில் வசிக்கும் இளைஞர்களின் முயற்சியில் ஈஸ்வரிபுரம் பகுதியை சேர்ந்த 200 குடும்பங்களிற்கு உலருணவுப்பொதிகள் வழங்கிவைக்கப்பட்டது.
குறித்த உதவித்திட்டத்திற்கு வவுனியா கமநலஅபிவிருத்தித்திணைக்களத்தினால் 1000 கிலோ அரிசி இலவசமாக வழங்கப்பட்டிருந்தமை குறிப்பிடத்தக்கது.
