கொவிட்-19 முடக்கநிலை கட்டுப்பாடுகள் காரணமாக பிரித்தானியாவில் 70 சதவீத பல்பொருள் அங்காடிகள் மூடப்படும் அபாயம் ஏற்பட்டுள்ளது.
மக்களிடையே பொருட்கள் வாங்கும் மனநிலையில் ஏற்பட்ட மாற்றம் குறிப்பாக ஒன்லைனில் பொருட்கள் வாங்குவதால் பல்பொருள் அங்காடிகளின் எதிர்காலம் கேள்விக்குறியாகியுள்ளதாக சமீபத்திய புள்ளி விபரங்கள் தெரிவிக்கின்றன.
பல்பொருள் அங்காடிகளில் உள்ள அத்தியாவசியமற்ற கடைகள் பல மாதங்களாக மூடப்பட்டுள்ளன. பிரித்தானியாவில் சுமார் 700 பல்பொருள் அங்காடிகள் உள்ளன. இவற்றில் 10 சதவீதம் முற்றிலுமாக மூடப்படும் சூழலில் உள்ளன. சில பல்பொருள் அங்காடிகள் பகுதியளவில் குடியிருப்புகளாகவும், அலுவலகங்களாகவும் மாற்றப்பட்டுள்ளன.
30 பல்பொருள் அங்காடிகளில் தற்போது பாதியளவு காலியாக உள்ளன. 5 பல்பொருள் அங்காடிகளில் 80 சதவீத கடைகள் காலியாகிவிட்டன. 34 பல்பொருள் அங்காடிகளில் 40 முதல் 50 சதவீதம் வரையிலான கடைகள்தான் செயற்படுகின்றன.
நொட்டிங்ஹாம், கேஸில்கேட், ஸ்டாக்டன், ஷ்ரூஸ்பரியில் உள்ளரிவர்சைட் சென்டர் உள்ளிட்ட பகுதிகளில் உள்ள பல்பொருள் அங்காடிகள் குறித்து ஆய்வு செய்யப்பட்டன. இத்துடன் ஹை வைஹோம்ப், மெய்டன் ஹெட் பகுதியில் உள்ள நிகோல்சன் பகுதிகளில் விரிவாக்க நடவடிக்கைகள் எடுக்கப்படுகின்றன. தெற்கு லண்டனில் உள்ள கேஸில் பல்பொருள் அங்காடிகள் இடிக்கப்படுகிறது.
