வவுனியா- புளியங்குளம், பரசங்குளம் பகுதியிலுள்ள கிணற்றிலிருந்து 26 வயதான குடும்பஸ்தர் ஒருவரின் சடலம் கண்டெடுக்கப்பட்டுள்ளது.
நேற்று (ஞாயிற்றுக்கிழமை) மாலை, குறித்த நபர் வீட்டில் இருந்துள்ளதாகவும் அதன் பின்னரே கிணற்றில் சடலமாக கண்டறியப்பட்டுள்ளதாகவும் அயலவர்கள் தெரிவித்துள்ளனர்.
இவ்வாறு சடலமாக கண்டெடுக்கப்பட்டவரின் உடல் பிரேத பரிசோதனைக்காக, வவுனியா வைத்தியசாலைக்கு அனுப்பப்பட்டதாக பொலிஸார் குறிப்பிட்டுள்ளனர்.
இந்நிலையில் சம்பவம் தொடர்பான மேலதிக விசாரணைகளை புளியங்குளம் பொலிஸார் முன்னெடுத்து வருகின்றமை குறிப்பிடத்தக்கது.
