நாட்டில் மேலும் 39 கொரோனா மரணங்கள் பதிவாகியுள்ளதாக சுகாதார அமைச்சின் தேசிய தொற்று நோயியல் பிரிவு தெரிவித்துள்ளது.
ஆண்கள் 27 பேரும் பெண்கள் 12 பேருமே இவ்வாறு உயிரிழந்துள்ளதாக அற்தப் பிரிவு மேலும் தெரிவித்துள்ளது.
இதனையடுத்து, நாட்டில் கொரோனா வைரஸ் தொற்றினால் உயிரிழந்தவர்களின் மொத்த எண்ணிக்கை 2 ஆயிரத்து 944 ஆக அதிகரித்துள்ளது.
இதேநேரம், கடந்த 24 மணித்தியாலங்களில் மேலும் ஆயிரத்து 867 பேருக்கு கொரோனா வைரஸ் தொற்று உள்ளமை உறுதி செய்யப்பட்டுள்ளது.
இதனையடுத்து, நாட்டில் கொரோனா வைரஸ் தொற்றினால் பாதிக்கப்பட்டவர்களின் மொத்த எண்ணிக்கை 2 இலட்சத்து 53 ஆயிரத்து 618 ஆக அதிகரித்துள்ளது.
அவர்களில் 2 இலட்சத்து 18 ஆயிரத்து 998 பேர் தொற்றில் இருந்து குணமடைந்துள்ள நிலையில், தொற்றுக்கு உள்ளான 31 ஆயிரத்து 676 பேர் தொடர்ந்தும் வைத்தியசாலைகளில் சிகிச்சைப் பெற்று வருகின்றனர்.
