வடகடல் நிறுவனத்தின் செயற்பாடுகள் தொடர்பான மீளாய்வுக் கூட்டம் கடற்றொழில் அமைச்சர் டக்ளஸ் தேவானந்தா தலைமையில் நேற்று(செவ்வாய்கிழமை) நடைபெற்றது.
மாளிகாவத்தையில் அமைந்துள்ள கடற்றொழில் அமைச்சில் நடைபெற்ற கலந்துரையாடலில், அமைச்சின் செயலாளர் இந்து இரத்நாயக்க மற்றும் வடகடல் நிறுவனத்தின் தலைவர் உள்ளிட்ட அதிகாரிகள் கலந்து கொண்டனர்.
இன்போது, வடகடல் நிறுவனத்தின் பணியாளர்களுக்கு கொரோனா தடுப்பூசி ஏற்றுதல் மற்றும் நிறுவனத்தின் உற்பத்தி, வினைத் திறனான செயற்பாடுகளை அதிகரித்தல் உள்ளிட்ட விடயங்கள் தெடர்பாக ஆராயப்பட்டுள்ளது.
இதேவேளை கடற்றொழில் அமைச்சிற்காக இவ்வாண்டு வரவு செலவுத் திட்டத்தில் ஒதுக்கப்பட்ட நிதியின் அடிப்படையில் மேற்கொள்ளப்பட்டு வருகின்ற வேலைத்திட்டங்களின் முன்னேற்றம் தொடர்பாக அமைச்சர் டக்ளஸ் தேவானந்தா அதிகாரிகளுடன் கலந்துரையாடியுள்ளார்.
