மேகதாது அணைக்கட்டும் திட்டத்தை எதிர்ப்போம் என தமிழக நீர்வளத்துறை அமைச்சர் துரைமுருகன் திட்டவட்டமாக அறிவித்துள்ளார்.
மேகதாதுவில் அணைகட்ட வேண்டும் என கர்நாடக உள்துறை அமைச்சர் தெரிவித்துள்ள நிலையில், அதற்கு பதிலளித்து கருத்து தெரிவித்த துரைமுருகன் இவ்வாறு குறிப்பிட்டுள்ளார்.
இது குறித்து அவர் வெளியிட்டுள்ள அறிக்கையில்,’எந்த நிலையிலும் மேகதாதுவில் அணைகட்டுவதை தடுத்தே தீருவோம் என சொல்வதற்கு தமிழ்நாட்டிற்கும் உரிமை உள்ளதாக குறிப்பிட்டுள்ளார்.
உச்சநீதிமன்ற தீர்ப்பையும், நடுவர் மன்ற தீர்ப்பையும் மீறி கர்நாடகா நடந்து கொள்வதாகவும் அவர் குற்றம் சுமத்தியுள்ளார்.
தண்ணீர் தேசிய சொத்து எனக் கூறியுள்ள துரைமுருகன், மத்திய அரசு இதை பார்த்துக் கொண்டு இருப்பது நல்லதல்ல எனவும் அவர் மேலும் தெரிவித்துள்ளார்.
