ஜம்மு- காஷ்மீரிலுள்ள புல்வாமா மாவட்டத்தின் நாக்பெரான், டார்சர் வனப்பகுதியில் இடம்பெற்ற துப்பாக்கிச் சண்டையில் 2 பயங்கரவாதிகள் படையினரினால் சுட்டுக்கொல்லப்பட்டுள்ளனர்.
நாக்பெரான்- டார்சர் வனப்பகுதியில் பயங்கரவாதிகள் பதுங்கியுள்ளதாக கிடைக்கப்பெற்ற இரகசிய தகவலின் அடிப்படையில், அப்பகுதியை பாதுகாப்பு படையினர் மற்றும் பொலிஸார் சுற்றி வளைத்து தேடுதல் நடவடிக்கையில் ஈடுபட்டனர்.
இதன்போது அப்பகுதியில் பதுங்கியிருந்த பயங்கரவாதிகள் பாதுகாப்பு படையினரை நோக்கி துப்பாக்கிச்சூடு நடத்தினர்.
இதன்பின்னர் இருதரப்பினருக்கும் இடையில் இடம்பெற்ற மோதலில், பாதுகாப்பு படையினரால் பயங்கரவாதிகள் இருவர் சுட்டுக்கொல்லப்பட்டதாக காஷ்மீர் மண்டல பொலிஸார் தெரிவித்துள்ளனர்.
