லைக்கா குடும்பத்தின் ஓர் அங்கமான, ஆதவன் ஊடக வலையமைப்பின் ஆதவன் வானொலி தனது 5 வருடத்தை நிறைவு செய்து 6ஆவது ஆண்டில் பயணிக்கிறது.
2016 ஆம் ஆண்டுமுதல் தமிழர்களின் உலகம் தழுவிய குரலாக ஒலித்துவரும் ஆதவன் வானொலி ஐரோப்பிய தமிழ் வானொலிக் கலாசாரத்தில், குறிப்பாக பிரித்தானிய தமிழ் வானொலிக் கலாசாரத்தில் ஒரு புரட்சியை ஏற்படுத்தி, தமிழ் நேயர்களின் உச்சபட்ச அபிமான வானொலியாக உருவெடுத்துள்ளது
முக்கியத்துவம்வாய்ந்த தகவல்களையும் செய்திகளையும் உடனுக்குடன்வழங்குவதோடு காலத்தின் போக்குக்கு ஏற்ற நிகழ்ச்சி வடிவமைப்பும் பொருத்தமான பாடல் தெரிவும் ஆதவனின் வெற்றிக்கு முக்கிய காரணங்கள்.
பிரித்தானியாவில் தமிழில் முதன்முதலாக HD தரத்தில் DAB ஒலிபரப்பினை ஆரம்பித்து ஏராளம் நேயர்களின் வாழ்வோடு ஒன்றித்துப் பயணித்துவரும் ஆதவன் வானொலி மென்மேலும் வெற்றிகரமாக சேவைகளைத்தொடர ஆதவன் தொலைக்காட்சி மற்றும் செய்திப்பிரிவினரின் வாழ்த்துகள்.
