மட்டக்களப்பு – காத்தான்குடி பொலிஸ் பிரிவுக்குட்பட்ட நாவற்குடா இசை நடனக் கல்லூரியின் முன்பாக இடம்பெற்ற விபத்தில் ஒருவர் உயிரிழந்துள்ளதுடன், ஒருவர் காயமடைந்துள்ளார்.
இன்று(சனிக்கிழமை) மாலை மட்டக்களப்பு நோக்கி சென்றுகொண்டிருந்த மோட்டார் சைக்கிளுடன், நெல் அறுவடை செய்யும் உழவு இயந்திரத்தினை ஏற்றிச் சென்ற உழவு இயந்திரம் மோதியதினாலேயே இந்த விபத்து இடம்பெற்றுள்ளது.
இந்த விபத்து சம்பவத்தினால் அப்பகுதியில் பதற்ற நிலை நிலவிய நிலையில் காத்தான்குடி பொலிஸார் ஸ்தலத்திற்கு வருகை தந்து விசாரணைகளை முன்னெடுத்ததுடன் உழவு இயந்திர சாரதி கைதுசெய்யப்பட்டுள்ளார்.
இது தொடர்பான விசாரணைகளை காத்தான்குடி பொலிஸார் முன்னெடுத்து வருகின்றனர்.
