ஆண்களுக்கான மெக்ஸிகன் பகிரங்க டென்னிஸ் தொடரின், இரண்டாவது சுற்றுப் போட்டியில், நடால், சிட்ஸிபாஸ், மெட்வேடவ் ஆகியோர் வெற்றிபெற்று காலிறுதிக்கு முன்னேறியுள்ளனர்.
இரண்டாவது சுற்றுப் போட்டியில், கிரேக்கத்தின் ஸ்டெபீனோஸ் சிட்ஸிபாஸ், செர்பியாவின் லாஸ்லோ ஐரேவை எதிர்கொண்டார்.
பரபரப்பாக நடைபெற்ற இப்போட்டியில், டை பிரேக் வரை நீண்ட இரண்டு செட்டுகளையும் ஸ்டெபீனோஸ் சிட்ஸிபாஸ், 7-6, 7-6 என்ற நேர் செட் கணக்குகளில் வென்று காலிறுதிக்கு தகுதிபெற்றார்.
இரண்டாவது சுற்றுப் போட்டியில், முன்னணி வீரரான ஸ்பெயினின் ரபேல் நடால், அமெரிக்காவின் டெனிஸ் குட்லாவுடன் மோதினார்.
விறுவிறுப்பாக நடைபெற்ற இப்போட்டியில், 6-3, 6-2 என்ற நேர் செட் கணக்குகளில் ரபேல் நடால், வெற்றிபெற்று காலிறுதிக்கு முன்னேறினார்.
இரண்டாவது சுற்றுப் போட்டியில், ரஷ்யாவின் டேனில் மெட்வேடவ், பிரான்ஸின் பெனாய்ட் பேயாருடன் பலப்பரீட்சை நடத்தினார்.
எதிர்பார்ப்பு மிக்க இப்போட்டியில், டேனில் மெட்வேடவ், 6-3, 6-4 நேர் செட் கணக்குகளில் வெற்றிபெற்று காலிறுதிக்குள் அடியெடுத்து வைத்தார்.
