இங்கிலாந்தில் உள்ள ஐந்து முதல் 11 வயது வரையிலான சிறுவர்களின் பெற்றோர் மற்றும் பராமரிப்பாளர்கள் தங்கள் குழந்தைகளுக்கு குறைந்த அளவிலான கொவிட் தடுப்பூசியை இன்று (சனிக்கிழமை) காலை முதல் பதிவு செய்யலாம்.
தடுப்பூசியை 7 மணி முதல் ஒன்லைனில் முன்பதிவு செய்யலாம். மேலும் திங்கட்கிழமை முதல் நூற்றுக்கணக்கான தளங்களில் இருந்து பெற முடியும்.
ஸ்கொட்லாந்து, வேல்ஸ் மற்றும் வடக்கு அயர்லாந்து ஏற்கனவே தடுப்பூசி அளவை வழங்கி வருகின்றன.
பொதுவாக, பெரும்பாலான குழந்தைகள் கொவிட் நோயால் கடுமையாக நோய்வாய்ப்படும் அபாயம் அதிகம் இல்லை.
கடந்த பெப்ரவரி மாதம், தடுப்பூசி மற்றும் நோய்த்தடுப்புக்கான கூட்டுக் குழு, எதிர்காலத்தில் கொவிட் அலையில் மிகக் குறைந்த எண்ணிக்கையிலான குழந்தைகள் தீவிர நோய் மற்றும் மருத்துவமனையில் சேர்வதை தடுக்க தடுப்பூசிகள் வழங்கப்பட வேண்டுமென பரிந்துரைத்தது.
12 வார இடைவெளியில் குறைந்த அளவிலான தடுப்பூசியின் இரண்டு அளவுகளை பரிந்துரைக்கிறது. தடுப்பூசி பெற இப்போது சுமார் ஐந்து மில்லியன் சிறுவர்கள் தகுதி பெற்றுள்ளனர்.
