ஐ.பி.எல். ரி-20 தொடரின் 42ஆவது லீக் போட்டியில், லக்னொவ் சுப்பர் ஜியண்ட்ஸ் அணி 20 ஓட்டங்கள் வித்தியாசத்தில் வெற்றிபெற்றது.
புனேவில் நேற்று (வெள்ளிக்கிழமை) நடைபெற்ற இப்போட்டியில், லக்னொவ் சுப்பர் ஜியண்ட்ஸ் அணியும் பஞ்சாப் கிங்ஸ் அணியும் பலப்பரீட்சை நடத்தின.
இப்போட்டியில் நாணய சுழற்சியில் வெற்றிபெற்ற பஞ்சாப் கிங்ஸ் அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய லக்னொவ் சுப்பர் ஜியண்ட்ஸ் அணி, நிர்ணயிக்கப்பட்ட 20 ஓவர்கள் நிறைவில் 8 விக்கெட்டுகள் இழப்புக்கு 153 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, குயிண்டன் டி கொக் 46 ஓட்டங்களையும் தீபக் ஹூடா 34 ஓட்டங்களையும் பெற்றுக்கொண்டனர்.
பஞ்சாப் கிங்ஸ் அணியின் பந்துவீச்சில், ரபாடா 4 விக்கெட்டுகளையும் ராகுல் சஹார் 2 விக்கெட்டுகளையும் சந்தீப் ஷர்மா 1 விக்கெட்டினையும் வீழ்த்தினர்.
இதனைத்தொடர்ந்து 154 என்ற வெற்றி இலக்கை நோக்கி பதிலுக்கு களமிறங்கிய பஞ்சாப் கிங்ஸ் அணியால், நிர்ணயிக்கப்பட்ட 20 ஓவர்கள் நிறைவில் 8 விக்கெட்டுகள் இழப்புக்கு 133 ஓட்டங்களை மட்டுமே பெற முடிந்தது. இதனால், லக்னொவ் சுப்பர் ஜியண்ட்ஸ் அணி 20 ஓட்டங்கள் வித்தியாசத்தில் வெற்றிபெற்றது.
இதன்போது அணியின் அதிகப்பட்ச ஓட்டங்களாக, ஜோனி பேயர்ஸ்டொவ் 32 ஓட்டங்களையும் மாயங் அகர்வால் 25 ஓட்டங்களையும் பெற்றுக்கொண்டனர்.
லக்னொவ் சுப்பர் ஜியண்ட்ஸ் அணியின் பந்துவீச்சில், மோஷின் கான் 3 விக்கெட்டுகளையும் துஸ்மந்த சமீர மற்றும் குர்ணல் பாண்ட்யா ஆகியோர் தலா 2 விக்கெட்டுகளையும் ரவி பிஷ்னோய் 1 விக்கெட்டினையும் வீழ்த்தினர்.
இப்போட்டியின் ஆட்டநாயகனாக நான்கு ஓவர்கள் பந்து வீசி ஒரு உதிரி ஓட்டம் மற்றும் ஒரு மெய்டன் ஓவர் அடங்களாக 11 ஓட்டங்களை விட்டுக்கொடுத்து 2.80 ஓட்ட வீதத்துடன் 2 விக்கெட்டுகளை வீழ்த்திய குர்ணல் பாண்ட்யா தெரிவுசெய்யப்பட்டார்.
