இங்கிலாந்தில் மாணவர் கடன்களுக்கான அதிகபட்ச வட்டி வீதம் கிட்டத்தட்ட 5 சதவீதம் குறைக்கப்படுவதாக அரசாங்கம் அறிவித்துள்ளது
இன்ஸ்டிடியூட் ஃபார் ஃபஸ்கல் ஸ்டடீஸ் (ஐ.எஃப்.எஸ்.) படி, இலையுதிர்காலத்தில் அதிகபட்ச வீதம் 12 சதவீதமாக உயரும் என்று கணிக்கப்பட்டுள்ளது.
வாழ்க்கைச் செலவு அதிகரித்து வருவதால், பட்டதாரிகளுக்கு மன அமைதியை வழங்குவதற்காக உச்சவரம்பு 7.3 சதவீதமாக குறைக்கப்படுவதாக உயர்கல்வி அமைச்சர் மைக்கேல் டோனெலன் கூறினார்.
இதனிடையே, வட்டி வரம்பு இன்னும் கொடூரமாக அதிகமாக உள்ளதாக தேசிய மாணவர் சங்கம் குற்றங்சாட்டியுள்ளது.
ஐ.எஃப்.எஸ். இந்த அறிவிப்பை வரவேற்றது. ஆனால், இது பெரும்பாலான பட்டதாரிகளின் திருப்பிச் செலுத்துவதில் எந்த தாக்கத்தையும் ஏற்படுத்தாது என்று கூறியுள்ளது.
தற்போது இங்கிலாந்தில் உள்ள பல்கலைக்கழகத்தில் உள்ளவர்களுக்கான கடனுக்கான வட்டி வீதம் பணவீக்கத்தின் சில்லறை விலைக் குறியீட்டுடன் 3 சதவீதம் சேர்த்து கணக்கிடப்படுகிறது.
ஏப்ரலில் உறுதிசெய்யப்பட்ட சில்லறை விலைக் குறியீட்டு எண்ணிக்கை வரும் கல்வியாண்டுக்கான வட்டி வீதத்தை நிர்ணயித்துள்ளது. மேலும் மாணவர் கடன்களுக்கான அதிகபட்ச வீதம் இந்த ஆண்டு 4.5 சதவீதத்திலிருந்து செப்டம்பர் 2022ஆம் ஆண்டு முதல் 12 சதவீதமாக ஆக உயரும் என்று இன்ஸ்டிடியூட் ஃபார் ஃபஸ்கல் ஸ்டடீஸ் கூறியுள்ளது.
