நாட்டின் பல பகுதிகளில் இன்று தென்மேற்கு பருவப்பெயர்ச்சி மழை பெய்யக் கூடும் என இலங்கை வளிமண்டலவியல் திணைக்களம் சிகப்பு எச்சரிக்கை விடுத்துள்ளது.
மேற்கு மற்றும் தெற்கு கடற்பரப்புகளிலும் தென்மேற்கு கடற்பகுதியிலும் மழை அதிகரிக்கும் என எச்சரிக்கை விடுக்கப்பட்டுள்ளது.
மேல், சப்ரகமுவ, வடக்கு மற்றும் வடமேல், மத்திய மாகாணங்களிலும் கண்டி, நுவரெலியா, காலி மற்றும் மாத்தறை மாவட்டங்களிலும் மழை அல்லது இடியுடன் கூடிய மழை பெய்யக்கூடும் என அறிவுறுத்தப்பட்டுள்ளது.
சில இடங்களில் 100 மில்லிமீற்றர் பலத்த மழையுடனான காலநிலை நீடிக்கும் எனவும் மலைப் பகுதிகளில் மண்சரிவு ஏற்படக்கூடிய அபாயம் காணப்படுவதாகவும், வாகனங்களைச் செலுத்தும் சாரதிகள் அவதானத்துடன் பயணம் செய்ய வேண்டுமெனவும் அறிவுறுத்தப்பட்டுள்ளது.
அதேநேரம், இலங்கையின் கரையோரப் பகுதிகளில் பலத்த காற்று வீசும் எனத் தெரிவித்துள்ள இலங்கை வளிமண்டலத்திணைக்களம், கடல் கொந்தளிப்புடன் இருக்கும் வேளைகளில் மீனவர்கள் எதிர்வுகூறல்கள் குறித்து அவதானத்துடன் இருக்குமாறும் அறிவித்துள்ளது.
