சின்சினாட்டி மாஸ்டர்ஸ் டென்னிஸ் தொடரில், ஆண்களுக்கான ஒற்றையர் பிரிவில் போர்னா கோரிக் மற்றும் பெண்களுக்கான ஒற்றையர் பிரிவில் கரோலின் கார்ஸியா ஆகியோர் சம்பியன் பட்டம் வென்றுள்ளனர்.
ஆண்களுக்கான ஒற்றையர் பிரிவு இறுதிப் போட்டியில், குரேஷியாவின் போர்னா கோரிக், கிரேக்கத்தின் ஸ்டெபீனோஸ் சிட்ஸிபாசை எதிர்கொண்டார்.
எதிர்பார்ப்பு மிக்க இப்போட்டியில், போர்னா கோரிக், 7-6, 6-2 என்ற நேர் செட் கணக்குகளில் வெற்றிபெற்று சம்பியன் பட்டத்தை வென்றார்.
பெண்களுக்கான ஒற்றையர் பிரிவில் பிரான்ஸின் கரோலின் கார்ஸியா, செக் குடியரசின் பெட்ரா கிவிட்டோவுடன் பலப்பரீட்சை நடத்தினார்.
விறுவிறுப்பாக நடைபெற்ற இப்போட்டியில், கரோலின் கார்ஸியா, 6-2, 6-4 என்ற நேர் செட் கணக்குகளில் வெற்றிபெற்று சம்பியன் பட்டத்தை வென்றார்.
