எக்ஸ்பிரஸ் பேர்ல் கப்பலின் தீயினால் ஏற்பட்டுள்ள சுற்றாடல் சேதம் மற்றும் மீனவர்களுக்கு எவ்வாறு இழப்பீடு வழங்குவது என்பதை தீர்மானிக்க சட்டமா அதிபர் தலைமையில் குழுவொன்றை நியமித்து உச்ச நீதிமன்றம் உத்தரவிட்டுள்ளது.
கப்பல் தீ விபத்துக்குள்ளானதால், ஏற்பட்ட சேதங்களுக்கு இழப்பீடு பெற்றுத் தருமாறும் பொறுப்பான நபர்களுக்கு எதிராக நடவடிக்கை எடுப்பதற்கு உத்தரவு பிறப்பிக்குமாறும் கோரி தாக்கல் செய்யப்பட்ட அடிப்படை உரிமை மனுக்கள் உச்ச நீதிமன்றத்தில் இன்று (வியாழக்கிழமை) விசாரணைக்கு எடுத்துக்கொள்ளப்பட்டன.
இதன்போது சுற்றாடல் மற்றும் கடற்றொழிலாளர்களுக்கு ஏற்பட்ட சேதங்கள் தொடர்பான ஆவணங்கள் நீதிமன்றத்தில் சமர்ப்பிக்கப்பட்டதாக சட்டமா அதிபர் சார்பில் ஆஜரான மேலதிக சொலிசிட்டர் தெரிவித்தார்.
இதனையடுத்தே, மீனவர்களுக்கு எவ்வாறு இழப்பீடு வழங்குவது என்பதை தீர்மானிக்க சட்டமா அதிபர் தலைமையில் குழுவொன்றை நியமித்து உச்ச நீதிமன்றம் உத்தரவிட்டுள்ளது.
