அமெரிக்கா வருகை தந்துள்ள வேல்ஸ் இளவரசர் மற்றும் இளவரசியை ஜனாதிபதி ஜோ பைடன் சந்திக்கவுள்ளார்.
நாளை (வெள்ளிக்கிழமை) பாஸ்டனில் இந்த சந்திப்பு இடம்பெறவுள்ளதாக வெள்ளை மாளிகை தெரிவித்துள்ளது.
அமெரிக்காவிற்கு வந்துள்ள இளவரசர் வில்லியம் மற்றும் கேத்தரின் ஆகியோர், எர்த்ஷாட் பரிசுக்கான விருதுகளை வழங்குவார்கள்.
முன்னாள் அமெரிக்க ஜனாதிபதி ஜோன் எஃப் கென்னடியின் சொந்த நகரமான பாஸ்டனில் உள்ள நகர மண்டபத்திற்கு அவர்களை வரவேற்க மக்கள் கூட்டம் கொட்டும் மழையில் காத்திருந்தது.
இதன்போது கூட்டத்தில் உரையாற்றிய அவர், ‘ஜனாதிபதி கென்னடியைப் போலவே, கேத்தரின் மற்றும் நானும் பெரிய விடயங்களைச் சாதிக்க வேண்டும் என்று உறுதியாக நம்புகிறோம், மேலும் மனிதர்களுக்கு வழிநடத்தும் திறன், புதுமை மற்றும் சிக்கல்களைத் தீர்க்கும் திறன் உள்ளது.
ராணிக்கு பல அஞ்சலி செலுத்தியதற்காக நன்றி தெரிவிக்க விரும்புகின்றேன். ராணியின் இழப்பிற்கு பின்னர் தனது முதல் வெளிநாட்டு விஜயம்.
எனது பாட்டி வாழ்க்கையின் நம்பிக்கையாளர்களில் ஒருவர். நானும் அப்படித்தான். அதனால்தான், கடந்த ஆண்டு எர்த்ஷாட் பரிசை ஆரம்பித்தோம். அதனால்தான், நமது பூமியின் எதிர்காலத்தைக் காப்பாற்றும் நம்பிக்கையையும், அவசரமான நம்பிக்கையையும் ஊக்குவிக்கும் ஒரு உண்மையான உலகளாவிய தளத்தை உருவாக்குவதற்கான லட்சியத்துடன், கடந்த ஆண்டு நாங்கள் எர்த்ஷாட் பரிசை அறிமுகப்படுத்தினோம்’ என கூறினார்.
எர்த்ஷாட் பரிசு ஒவ்வொரு ஆண்டும் சுற்றுச்சூழலுக்கான அவர்களின் பங்களிப்புகளுக்காக ஐந்து வெற்றியாளர்களுக்கு வழங்கப்படுகிறது. இது முதன்முதலில் 2021இல் வழங்கப்பட்டது மற்றும் 2030 வரை ஆண்டுதோறும் நடத்த திட்டமிடப்பட்டுள்ளது. ஒவ்வொரு வெற்றியாளரும் தங்கள் சுற்றுச்சூழல் பணியைத் தொடர 1 மில்லியன் பவுண்டுகள் மானியத்தைப் பெறுகிறார்கள்.
இயற்கையின் மறுசீரமைப்பு மற்றும் பாதுகாப்பு, காற்று தூய்மை, கடல் மறுமலர்ச்சி, கழிவு இல்லாத வாழ்க்கை மற்றும் காலநிலை நடவடிக்கை ஆகிய ஐந்து பிரிவுகளுக்கு பரிசுகள் வழங்கப்படுகின்றன.
