நியூஸிலாந்துக் கிரிக்கெட் அணிக்கெதிரான டெஸ்ட் தொடரில் விளையாடும், எதிர்பார்ப்பு மிக்க இங்கிலாந்து அணி விபரம் அறிவிக்கப்பட்டுள்ளது.
பென் ஸ்டோக்ஸ் தலைமையிலான 15பேர் கொண்ட அணியில், ஸ்டூவர்ட் பிராட், மேத்யூ பாட்ஸ் மற்றும் டான் லாரன்ஸ் ஆகியோர் மீண்டும் இணைந்துள்ளனர்.
சமீபத்தில் முடிவடைந்த பாகிஸ்தானுக்கு எதிரான டெஸ்ட் தொடரில் காயத்தில் இருந்து திரும்பிய வேகப்பந்து வீச்சாளர் மார்க் வுட் ஓய்வு பெற உள்ளார். மேலும் அவர் மார்ச் மாதம் பங்களாதேஷ் சுற்றுப்பயணத்திற்கு தேர்வு செய்யப்படுவார்.
கராச்சியில் அறிமுகமான இளம் லெக்ஸ் ஸ்பின்னர் ரெஹான் அகமது, பங்களாதேஷ் அணிக்கெதிரான மட்டுப்படுத்தப்பட்ட போட்டிகளில் தேர்வுசெய்யப்படுவார்.
இதுதவிர, ஹரி ப்ரூக், பென் டக்கெட், ஒல்லி ஸ்டோன் மற்றும் வில் ஜோக்ஸ் ஆகியோரும் டெஸ்ட் அணியில் இடம்பெற்றுள்ளனர்.
பென் ஸ்டோக்ஸ் தலைமையிலான அணியில், ஜேம்ஸ் ஆண்டர்சன், ஸ்டூவர்ட் பிராட், ஹரி புரூக், ஜோக் க்ராவ்லி, பென் டக்கெட், பென் ஃபோக்ஸ், வில் ஜோக்ஸ், டான் லாரன்ஸ், ஜெக் லீச், ஒல்லி போப், மேத்யூ பாட்ஸ், ஒல்லி ரொபின்சன், ஜோ ரூட், ஆலி ஸ்டோன் ஆகியோர் இடம்பெற்றுள்ளனர்.
இரண்டு டெஸ்டுகளில் முதல் போட்டி அடுத்த ஆண்டு பெப்ரவரி 16ஆம் திகதி மவுண்ட் மவுங்கானுயில் உள்ள பே ஓவல் மைதானத்தில் பகல்-இரவு போட்டியாக இருக்கும். அதைத் தொடர்ந்து பெப்ரவரி 24 முதல் வெலிங்டனில் உள்ள பேசின் ரிசர்வ் மைதானத்தில் இரண்டாவது டெஸ்ட் போட்டி நடைபெறவுள்ளது.
