வங்காள விரிகுடாவின் பாதுகாப்பு மற்றும் செழுமைக்கான இரண்டு நாள் சர்வதேச மாநாட்டில், வங்காள விரிகுடா பிராந்தியம் எதிர்கொள்ளும் பாரம்பரிய மற்றும் பாரம்பரியமற்ற பாதுகாப்பு சவால்களில் ஒத்துழைப்பு, புரிதல் மற்றும் ஆதரவு ஆகியவற்றின் அவசியம் குறித்து விவாதிக்கப்பட்டது என பொதுக்கொள்கை ஆராய்ச்சி மையத்தின் தலைவர் கலாநிதி. டி தனுராஜ் கூறினார்.
வங்காள விரிகுடா பிராந்தியம் எதிர்கொள்ளும் பாரம்பரிய மற்றும் பாரம்பரியமற்ற பாதுகாப்பு சவால்களில் ஒத்துழைப்பு, புரிதல் மற்றும் ஆதரவு ஆகியவற்றின் அவசியம் குறித்து இந்த மாநாட்டில் விவாதிக்கப்பட்டது.
உலகளாவிய புவிசார் அரசியல் இந்தோ-பசிபிக் பகுதியை மத்திய கிழக்குடன் இணைக்கிறது. அந்தவகையில் வங்காள விரிகுடா பிராந்தியமானது முக்கிய பங்கு வகிக்கப் போகிறது.
மேலும் இதுவொரு முக்கியமான கடல் வழித் தொடர்பாகும், உலகளாவிய விநியோகச் சங்கிலிகளில் முக்கியப் பங்கு வகிக்கிறது.
எனவே, வங்காள விரிகுடாவின் அனைத்து நாடுகளுக்கும் அந்த முக்கியத்துவத்தைப் புரிந்துகொள்வதும், ஆற்றலை உணர்ந்து கொள்வதும் காலத்தின் தேவையாகும் என்று அவர் கூறினார்,
குறித்த, சர்வதேச மாநாட்டின் இரண்டாவது நாளின் உரையாடல்கள் மற்றும் விவாதங்களின்போது, புவிசார் அரசியல் மற்றும் பாதுகாப்பு கட்டமைப்பில் பிராந்தியத்தின் அதிகரித்து வரும் செயற்பாடுகள் பற்றிய சான்றுகள் அளிக்கப்பட்டன.
ஒவ்வொரு அமர்வும் வங்காள விரிகுடா பிராந்தியத்தை மேலும் வலுப்படுத்துவதற்கான முக்கிய குறிப்புகள், நுண்ணறிவுகள் மற்றும் யோசனைகளை வெளிப்படுத்தின.
கொச்சியில் நடைபெற்ற இரண்டு நாள் மாநாட்டில் பொறிமுறைகளின் நிறுவனமயமாக்கல் மற்றும் கடலோர நாடுகளுக்கு இடையேயான ஒத்துழைப்பை மேம்படுத்துதல் மற்றும் காலக்கெடுவிற்கு உட்பட்ட அமைச்சுகள் மற்றும் அரசாங்கங்களுக்கு இடையேயான சந்திப்புகள் ஆகியவை விரிகுடாவின் திறனை உணருவதற்கு உதவும் என்றும் கூறப்பட்டது.
ஜேர்மன், தாய்லாந்து, பூட்டான், இலங்கை, இந்தியா, பங்களாதேஷ், நேபாளம் மற்றும் மாலத்தீவு ஆகிய நாடுகளைச் சேர்ந்த உலகளாவிய இராஜதந்திரிகள், பிரதிநிதிகள் மற்றும் நிபுணர்கள் கலந்துகொண்ட இந்த நிகழ்வில் நீலப் பொருளாதாரம், மேம்படுத்தப்பட்ட எரிசக்தி ஒத்துழைப்பு, வர்த்தகம் மற்றும் முதலீடு, சுற்றுச்சூழல் நிலைத்தன்மை மற்றும் வங்காள விரிகுடாவின் பிராந்திய வளர்ச்சிக்கான மனித பாதுகாப்பு குறித்து பல அமர்வுகளில் கலந்துரையாடப்பட்டன.
பயங்கரவாத எதிர்ப்பு, எரிசக்தி, மனித பாதுகாப்பு மற்றும் தொழில்நுட்ப பரிமாற்றம் போன்ற விஷயங்களில் உறுப்பு நாடுகள் அதிக ஒத்துழைப்பின் செயற்படுவதன் முக்கியத்துவம் வலியுறுத்தப்பட்டதோடு, குறித்த வழிமுறைகளை நிறுவனமயமாக்க வேண்டிய தேவையும், மற்றக் குழுக்களைக் கவனித்துக்கொள்வதற்கு சிறந்த அல்லது சிறந்த நிலையில் உள்ள நாடுகளும் முன்வந்து வங்காள விரிகுடா பிராந்தியத்தில் உள்ள உறுப்பு நாடுகளுடன் ஒத்துழைக்க வேண்டும் என்றும் கோரிக்கை விடுக்கப்பட்டமை குறிப்பிடத்தக்கது.
