பிரதமர் நரேந்திர மோடியின் ஹைதராபாத் சுற்றுப்பயணம் தற்காலிகமாக ரத்து செய்யப்பட்டுள்ளதாக அறிவிக்கப்பட்டுள்ளது.
எனினும், மிக விரைவில் மாற்று திகதி அறிவிப்பு வெளியாகும் என தகவல்கள் தெரிவிக்கின்றன.
பிரதமர் நரேந்திர மோடி வந்தே பாரத் ரெயில் தொடக்க விழா ரூ.7 ஆயிரம் கோடி வளர்ச்சி பணிகளுக்கான அடிக்கல் நாட்டு விழா வரும் 18, 19 ஆகிய திகதிகளில் நடைபெறுவதாக இருந்தது.
ஹைதராபாத்தில் சுற்றுப்பயணம் மேற்கொண்டு, செகந்திராபாத் விசாகப்பட்டினம் இடையேயான வந்தே பாரத் ரெயில் போக்குவரத்து சேவையை தொடக்கி வைப்பதாக அறிவிக்கப்பட்டு அதற்கான பணிகள் மேற்கொள்ளப்பட்டு வந்தன.
செகந்திராபாத், மகபூப் நகர் இடையே 85 கி.மீ. தொலைவிற்கு இரட்டை ரயில் பாதை திட்டம், ஹைதராபாத் ஐ.ஐ.டி வளாகத்தில் புதிய அகாடமி கட்டடம், தொழில்நுட்ப பூங்கா, தங்கும் விடுதி கட்டிடம், விருந்தினர் மாளிகை, சுகாதார மையம் போன்றவற்றின் தொடக்க விழா மற்றும் செகந்திராபாத் ரெயில் நிலையத்தில் 699 கோடி ரூபாய் பணிகளுக்கான அடிக்கல் நாட்டு விழா என மொத்தம் 7 ஆயிரம் கோடி ரூபாய்க்கான வளர்ச்சி திட்டப்பணிகளை பிரதமர் மோடி தொடக்கி வைப்பதாக இருந்தது.
