புதிய கூட்டணிக்குள் விக்னேஸ்வரனை கொண்டுவருவதற்கு தம்மால் எடுக்கப்பட்ட முயற்சிகள் வெற்றி அடையவில்லை என தமிழ்த் தேசியக் கட்சியின் செயலாளர் எம்.கே.சிவாஜலிங்கம் தெரிவித்தார்.
விக்னேஸ்வரனின் கட்சி அங்கத்தவர்கள் ‘மான்’ சின்னத்தை விட்டுக்கொடுக்க முடியாது என்பதில் இறுக்கமாக இருந்தமையால் தொடர்ச்சியாக பேச்சுக்களை முன்னெடுக்க முடியாமல் போனது என்றும் சிவாஜிலிங்கம் குறிப்பிட்டார்.
மேலும் வேட்பு மனுத்தாக்கல் நிறைவுக்கு வந்ததும் பொதுச்செயலாளர் பதிவயை சிவசக்தி ஆனந்தனிடத்திலிருந்து பெற்றுத் தருவதாக குறிப்பிட்டிருந்தும் விக்னேஸ்வரன் அதனை ஏற்றுக்கொள்ளவில்லை என்றும் தெரிவித்தார்.
இதேவேளை புதிய கூட்டணிக்கான ஒப்பந்தத்தினை கைச்சாத்திடுவதற்கு முன்னதாக பல்கலைக்கழக மாணவர்கள் ஒன்றிய சங்கத்தின் பிரதிநிதிகளும், சில புத்திஜீவிகளும் விக்னேஸ்வரனைச் சந்தித்து அழுத்தங்களை பிரயோகித்திருந்தமை குறிப்பிடத்தக்கது.
