இஸ்ரோ 2023ஆம் ஆண்டில், ஆதித்யா எல்-1 சன் மற்றும் சந்திரயான் -3 போன்ற திட்டங்களை முன்னெடுக்கவுள்ளது.
கர்நாடகாவின் சித்ரதுர்காவில் உள்ள வானூர்தி சோதனை வரம்பில் இருந்து மீண்டும் பயன்படுத்தக்கூடிய ஏவுகணை வாகனத்தின் முதல் ஓடுபாதை தரையிறங்கும் பரிசோதனையை நடத்துவதற்கும் இஸ்ரோ திட்டமிட்டுள்ளது.
2022ஆம் ஆண்டு இந்தியாவின் விண்வெளித்துறைக்கு முக்கியத்துவம் வாய்ந்ததாக இருந்தது.
ஏனெனில் இஸ்ரோ வெளிநாட்டு வாடிக்கையாளர் உட்பட ஐந்து முக்கியமான விண்வெளிப் பயணங்களை தொடங்கியது மட்டுமல்லாமல், ஹைதராபாத்தை தளமாகக் கொண்ட ஸ்டார்ட்அப் மூலம் கட்டப்பட்ட இந்தியாவின் முதல் தனியாரால் தயாரிக்கப்பட்ட ரொக்கெட்டை ஏவுவதற்கும் உதவியது.
2014முதல் டிசம்பர் 2022வரை, இஸ்ரோ, பிரதமர் மோடி அரசாங்கத்தின் கீழ், 44 விண்கலப் பயணங்களை மேற்கொண்டுள்ளதோடு 42 ஏவுகணை வாகனங்கள் மற்றும் ஐந்து தொழில்நுட்ப செயல்விளக்கங்களையும் அறிமுகப்படுத்தியுள்ளது.
இஸ்ரோ 2023 ஆம் ஆண்டின் ஆரம்ப மாதங்களில் ஆதித்யா சன் மிஷனை ஆரம்பிப்பதற்கு திட்டமிட்டுள்ளது.
இந்த விண்கலம் சுமார் 1.5 மில்லியன் கிமீ தொலைவில் உள்ள சூரியன்-பூமி அமைப்பின் லொக்ரேஞ்ச் புள்ளி-1 ஐச் சுற்றி ஒரு ஒளிவட்ட சுற்றுப்பாதையில் வைக்கப்படவுள்ளது.
மூன்றாவது சந்திர பயணமான சந்திரயான் -3 ஐ ஜூன் 2023 இல் தொடங்க திட்டமிடப்பட்டுள்ளது, இது இந்தியாவின் எதிர்கால கிரகங்களுக்கு இடையிலான ஆய்வுகளுக்கு அவசியமாக கருதப்படுகின்றது.
இதற்கான லேண்டர்-ரோவர் பணி ஏற்கனவே சந்திரனைச் சுற்றி வரும் சந்திரயான் -2 ஆர்பிட்டரை அடிப்படையாக கொண்டுள்ள.
2023 ஆம் ஆண்டின் கடைசி காலாண்டில் ககன்யானின் பணி ஆரம்பிக்கப்படவுள்ளது, ஏவுகணை வாகனம், சுற்றுப்பாதை தொகுதி உந்துவிசை அமைப்பு மற்றும் மீட்பு செயல்பாடுகளின் செயற்திறனை சரிபார்ப்பதை அடிப்படையாக கொண்டு முன்னெடுக்கப்படவுள்ளது.
