நிட்டம்புவ பகுதியில் 1 கிலோ 250 கிராம் ஹெரோயின் போதைப் பொருளை வைத்திருந்த ஒருவர் கைது செய்யப்பட்டுள்ளார்.
பேரூந்தில் போதைப்பொருளை கடத்திய ஒருவர் தொடர்பில் பொலிஸ் போதைப்பொருள் ஒழிப்பு பணியகத்திற்கு இரகசிய தகவல் கிடைத்திருந்ததாக பொலிஸ் ஊடகப் பிரிவு தெரிவித்துள்ளது.
இரகசியத் தகவலின் அடிப்படையில், நிட்டம்புவவில் நிறுத்தப்பட்டிருந்த பேரூந்துக்குள் மேற்கொள்ளப்பட்ட சோதனையின் போது ஒருவர் கைது செய்யப்பட்டுள்ளார்.
கைது செய்யப்பட்டுள்ள சந்தேக நபர் 46 வயதுடைய நிட்டம்புவ பிரதேசத்தை சேர்ந்தவர் என பொலிஸ் ஊடகப் பிரிவு தெரிவித்துள்ளது.
அத்துடன், கைது செய்யப்பட்ட சந்தேக நபரை நீதிமன்றத்தில் முன்னிலைப்படுத்துவதற்குரிய நடவடிக்கை எடுக்கப்பட்டுள்ளதாக பொலிஸார் குறிப்பிட்டுள்ளனர்.
பொலிஸ் போதைப்பொருள் ஒழிப்புப் பிரிவினர் இதுதொடர்பில் மேலதிக விசாரணைகளை மேற்கொண்டு வருகின்றனர்.
