இங்கிலாந்துக் கிரிக்கெட் அணிக்கெதிரான டெஸ்ட் தொடரில் விளையாடும், நியூஸிலாந்து டெஸ்ட் அணி விபரம் அறிவிக்கப்பட்டுள்ளது.
14பேர் கொண்ட அணியில் சகலதுறை வீரரான கைல் ஜெமீஸன் இணைத்துக்கொள்ளப்பட்டுள்ளார். மேலும், சமீபத்திய பாகிஸ்தான் அணிக்கெதிரான தொடரில் 13 விக்கெட்டுகளை வீழ்த்திய சுழற்பந்து வீச்சாளர் இஷ் சோதி அணியில் தக்கவைத்துக்கொள்ளப்பட்டுள்ளார்.
அஜாஸ் பட்டேல் அணியிலிருந்து விலகியுள்ள நிலையில், அவருக்கு பதிலாக மைக்கேல் பிரேஸ்வெல் சேர்த்துக்கொள்ளப்பட்டுள்ளார்.
டிம் சவுத்தி தலைமையிலான அணியில், மைக்கேல் பிரேஸ்வெல், டாம் ப்ளூன்டெல், டெவோன் கான்வே, மெட் ஹென்றி, கைல் ஜேமிசன், டொம் லாதம், டேரில் மிட்செல், ஹென்றி நிக்கோல்ஸ், இஷ் சோதி, பிளேர் டிக்னர், நீல் வாக்னர், கேன் வில்லியம்சன் மற்றும் வில் யங் ஆகியோர் இடம்பெற்றுள்ளனர்.
இரண்டு போட்டிகள் கொண்ட டெஸ்ட் தொடரில் விளையாட இங்கிலாந்துக் கிரிக்கெட் அணி, இந்த மாத நடுப்பகுதியில் நியூஸிலாந்து செல்லவுள்ளது. இத்தொடரின் முதல் போட்டி, மவுண்ட் மவுன்கானுய் மைதானத்தில் நடைபெறவுள்ளது.
