இலங்கையை வீழ்த்தி முத்தரப்பு தொடரை வென்றது பாகிஸ்தான் அணி!

சனிக்கிழமையன்று நடைபெற்ற ஒருநாள் சர்வதேச முத்தரப்பு கிரிக்கெட் தொடரின் இறுதிப் போட்டியில், தொடக்க ஆட்டக்காரர் ஃபகர் ஜமான் முழங்காலில் ஏற்பட்ட காயம் இருந்த போதிலும் 127 ஓட்டங்கள் குவித்து, பாகிஸ்தானை மூன்று விக்கெட் வித்தியாசத்தில் இலங்கையை வீழ்த்தி வெற்றி பெறச் செய்தார்.

ஜமான் அடித்த சுவாரஸ்யமான சதம் (ஒருநாள் போட்டிகளில் அவரது 12-வது சதம்) மற்றும் தொடர் நாயகன் அரபாத் மின்ஹாஸ் 31 பந்துகளில் எடுத்த அதிரடியான 61 ஓட்டங்கள் ஆகியவற்றின் உதவியுடன், பாகிஸ்தான் அணி 48.3 ஓவர்களில் 331 ஓட்டங்கள் (7 விக்கெட்டுகள் இழப்புக்கு) எடுத்து வெற்றி இலக்கை கடந்தது.

லாகூரில் பனிப்பொழிவு காரணமாகப் பந்து ஈரமாக இருந்ததால், இலங்கை பந்துவீச்சாளர்கள் பந்தைக் கட்டுப்படுத்துவதில் சிரமப்பட்டனர்.

இந்தத் தொடரில் முதன்முறையாக முதலில் துடுப்பாட்டம் செய்த இலங்கை அணி, கமிந்து மெண்டிஸ் அடித்த 131 ஓட்டம் (அவரது முதல் ஒருநாள் சதம்) உதவியுடன் 325-8 என்ற வலுகான ஓட்ட எண்ணிக்கயை எட்டியது.

ஃபகர் ஜமான் தனது முந்தைய நான்கு இன்னிங்ஸ்களில் மொத்தம் 31 ஓட்டங்கள் மட்டுமே எடுத்த நிலையில் இறுதிப் போட்டிக்கு வந்தார்.

மேலும், களத்தடுப்பில் ஈடுபட்டிருந்தபோது அவரது வலது முழங்காலில் காயம் ஏற்பட்டதால், அவர் தனது நேரத்தின் பெரும்பகுதியை டிரஸ்ஸிங் அறையிலேயே கழித்தார்.

போட்டியில் முதலில் துடுப்பெடுத்தாடிய இலங்கை அணிக்கு கமிந்து மெண்டிஸும் அவரது தொடக்க ஆட்டக்காரர் அவிஷ்க பெர்னாண்டோவும் (38) இணைந்து, 87 ஓட்டங்கள் என்ற வலுவான தொடக்கத்தை அமைத்துக் கொடுத்தனர். 

அதனைத் தொடர்ந்து, கமிந்து மெண்டிஸும் நல்ல போர்மில் இருக்கும் பவன் ரத்நாயக்கவும் இணைந்து, ஆட்டத்தின் இடைப்பகுதிகளில் வேகமான ஓட்டக் குவிப்பின் மூலம் மேலும் 146 ஓட்டங்களைச் சேர்த்தனர்.

42 ஆவது ஓவரில், ஆப்ரிடி வீசிய சற்று முன்னால் விழுந்த பந்தில் மெண்டிஸ் எல்பிடபிள்யூ (lbw) முறையில் ஆட்டமிழந்தார். 

128 பந்துகளை எதிர்கொண்ட அவர், 12 பவுண்டரிகள் மற்றும் இரண்டு சிக்ஸர்கள் அடங்கலாக 131 ஓட்டங்களை விளாசினார். 

அவர் ரத்நாயக்கவுடன் இணைந்து தொடர்ந்து ஸ்ட்ரைக்கை மாற்றிக்கொண்டே விளையாடினார்.

அதேநேரம் பவன் ரத்நாயக்க இந்தத் தொடரில் தனது மூன்றாவது சதத்தை எட்டும் வாய்ப்பை இழந்தார். 

அவர் 65 பந்துகளில் 77 ஓட்டங்கள் எடுத்த நிலையில், லாங்-ஆன் திசையில் பிடிகொடுத்து ஆட்டமிழந்தார்.

உடல்நலக்குறைவால் ஷதாப் கான் விளையாடாத நிலையில், பாகிஸ்தான் அணி தனது வேகப்பந்து வீச்சாளர்களின் உதவியுடன் ஆட்டத்தின் இறுதிக்கட்ட ஓவர்களில் இலங்கை அணியின் ஓட்ட வேகத்தைக் கட்டுப்படுத்தியது. 

கடைசி 10 ஓவர்களில் இலங்கை அணி 87 ஓட்டங்களுக்கு 6 விக்கெட்டுகளை இழந்தது; இதில் அஃப்ரிடி, நசீம் ஷா மற்றும் ஹாரிஸ் ரவூஃப் ஆகியோர் தலா இரண்டு விக்கெட்டுகளைக் கைப்பற்றினர்.

இறுதியாக இலங்கை 50 ஓவர்களுக்கு எட்டு விக்கெட் இழப்புக்கு 325 ஓட்டங்களைக் குவித்தது.

சேஸிங்கின் போது, கடாஃபி மைதானத்தில் திரண்டிருந்த 31,265 உள்ளூர் ரசிகர்களுக்கு ஏமாற்றமளிக்கும் வகையில், பாகிஸ்தான் அணி மாஸ் சதகத்தை (5 ஓட்டம்) இழந்தது.

பாபர் அசாம் தான் எதிர்கொண்ட முதல் ஐந்து பந்துகளிலும் ஓட்டம் ஏதும் எடுக்காமல் ஆட்டமிழந்தார். 

இருப்பினும், ஃபகர் ஜமான் மற்றும் 19 வயதான சாத் பைக் (75 பந்துகளில் 74 ஓட்டம்) ஆகியோர் இணைந்து அணியின் வெற்றி இலக்கை நோக்கிய பயணத்திற்கு புத்துயிர் அளித்தனர்.

இலங்கை அணியின் சுமாரான பந்துவீச்சு மற்றும் களத்தடுப்புக்கு எதிராக, இவர்கள் இருவரும் இணைந்து 149 ஓட்டங்களைக் குவித்தனர்.

இந்த முத்தரப்புத் தொடரில் முதல்முறையாகக் களமிறங்கிய இலங்கையின் மஹீஷ் தீக்ஷன, ஜமான் 69 மற்றும் 106 ஓட்டங்களில் இருந்தபோது, ​​அவர் அடித்த பந்துகளைக் கச்சிதமாகப் பிடித்து ஆட்டமிழக்கச் செய்யும் வாய்ப்புகளைத் தவறவிட்டார். 

ஜமான் 84 பந்துகளில் தனது சதத்தைப் பூர்த்தி செய்த பிறகு, எல்லைக்கோட்டுக்கு அருகில் வந்த எளிதான பிடியெடுப்பு ஒன்றையும் தீக்ஷன தவறவிட்டார்.

11 பவுண்டரிகள் மற்றும் 6 சிக்ஸர்கள் அடங்கிய ஜமானின் 99 பந்துகளிலான ஆட்டம், 34-வது ஓவரில் தில்ஷான் மதுஷங்காவின் பந்துவீச்சில் அவர் போல்ட் ஆனதோடு முடிவுக்கு வந்தது.

அப்போது பாகிஸ்தான் வெற்றி பெற இன்னும் 106 ஓட்டங்கள் தேவைப்பட்டன. 

மதுஷங்க 63 ரன்களை விட்டுக்கொடுத்து 3 விக்கெட்டுகளைக் கைப்பற்றினார்.

ஈரமான பந்து இலங்கைக்கு எந்த உதவியும் செய்யவில்லை; இளம் வீரர்களான மின்ஹாஸ் மற்றும் ஹசன் நவாஸ் (37 ஓட்டங்களுடன் ஆட்டமிழக்காமல் இருந்தார்) ஆகியோர் மிகுந்த நிதானத்துடன் விளையாடி, தொடர்ந்து ஸ்ட்ரைக்கை மாற்றிக்கொண்டே 94 ஓட்டங்கள் இணைப்பாட்டத்தை அமைத்தனர்.

72 ஓட்டங்கள் விட்டுக்கொடுத்த அசிதா பெர்னாண்டோ, பாகிஸ்தான் வெற்றிக்கு இரண்டு ஓட்டங்கள் தேவைப்பட்ட நிலையில், அடுத்தடுத்த பந்துகளில் மின்ஹாஸ் மற்றும் ஃபஹீம் அஷ்ரஃப் ஆகியோரின் விக்கெட்டுகளை வீழ்த்தி ஆட்டத்தை மேலும் விறுவிறுப்பாக்கினார். 

இறுதியாக அணித் தலைவர் ஷஹீன் ஷா அஃப்ரிடி, மதுஷங்கவின் பந்துவீச்சில் மிட்விக்கெட்டுக்கு மேல் ஒரு வெற்றி சிக்ஸரை விளாசினார்.

போட்டியின் ஆட்டநாயகனாக ஃபகர் ஜமானும், தொடரின் ஆட்டநாயகனாக அரஃபாத் மின்ஹாஸும் தெரிவானார்கள்.

மூன்று அணிகள் பங்கெடுத்த தொடரிலிருந்து ராவல்பிண்டியில் இலங்கையின் வரலாற்றிலேயே இரண்டாவது அதிகபட்சமான 430 ஓட்டங்கள் என்ற இலக்கை விரட்டிப் பிடித்த ஆட்டமும், லாகூரில் பாகிஸ்தானின் ஒரு விக்கெட் வித்தியாசத்தில் பெற்ற அபார வெற்றியும் அடங்கிய, தான் விளையாடிய நான்கு ஆட்டங்களில் மூன்றில் தோற்றதையடுத்து இங்கிலாந்து வெளியேறியமையும் குறிப்பிடத்தக்கது.