மே மாதம் வெஸ்ட்மின்ஸ்டர் அபேயில் நடக்கும் தனது முடிசூட்டு விழாவிற்காக சர்ச்சைக்குரிய கோஹினூர் வைரம் பதித்த மணிமகுடத்தை சார்லஸ் அரசரின் மனைவி அரசி கமிலா அணியமாட்டார் என பக்கிங்ஹாம் அரண்மனை அறிவித்துள்ளது.
இதற்கான காரணம் எதுவும் தெரிவிக்கப்படாத நிலையில், மே 6ஆம் திகதி நிகழ்வில் அவர் வேறொரு மணிமகுடத்தை அணிவார் என தெரிவிக்கப்படுகின்றது.
400 மில்லியன் பவுண்டுகள் மதிப்புள்ள கிரீடத்தின் மீது பின்னடைவு ஏற்படும் என்ற அச்சத்தில் இந்த முடிவு எடுக்கப்பட்டிருக்கலாம் என கூறப்படுகின்றது.
மேலும், அரசி கமிலா தனது முடிசூட்டு விழாவிற்கு ராணி மேரி கிரீடத்தைத் தேர்ந்தெடுத்தது அசல் நகலை மட்டுமே கொண்டிருக்கக்கூடும். 18ஆம் நூற்றாண்டிற்குப் பிறகு, முடிசூட்டு விழாவில் கிரீடத்தை மீண்டும் பயன்படுத்தும் முதல் மனைவியாக கமிலா இருப்பார்.
உலகின் பெரிய வைரங்களில் ஒன்றாக கோஹினூர் வைரம் திகழ்கிறது. 105.6 கேரட் எடை கொண்ட இந்த வைரம், காலனி ஆட்சி காலத்தில் கிழக்கிந்திய கம்பெனியால் இந்தியாவில் இருந்து எடுத்துச் செல்லப்பட்டு பிரித்தானிய முன்னாள் அரசி விக்டோரியாவுக்குப் பரிசாக அளிக்கப்பட்டது.
கோஹினூர் வைரமானது 1813இல் சீக்கிய ஆட்சியாளர் ரஞ்சித் சிங்கின் கைகளில் விழுவதற்கு முன்பு பல மத்திய ஆசிய மன்னர்களிடையே கை மாறிக்கொண்டே இருந்தது.
கடைசியாக சார்லஸின் பாட்டியும் பிரித்தானிய முன்னாள் அரசியுமான எலிசபெத் ஏஞ்செலா மார்கரீட்டின் மணிமகுடத்தில் கோஹினூர் வைரம் இடம்பெற்றது. எலிசபெத் ஏஞ்சலொ மார்கரீட் 2002ஆம் ஆண்டு காலமானார்.
