அயர்லாந்து அணிக்கெதிரான மூன்றாவதும் இறுதியுமான ஒருநாள் போட்டியில், பங்களாதேஷ் கிரிக்கெட் அணி 10 விக்கெட்டுகள் வித்தியாசத்தில் அபார வெற்றிபெற்றது.
பங்களாதேஷ் அணி ஒருநாள் போட்டிகளில் 10 விக்கெட்டுகள் வித்தியாசத்தில் வென்ற முதல் வெற்றி இதுவாகும்.
சில்ஹெட் மைதானத்தில் நடைபெற்ற இப்போட்டியில் நாணய சுழற்சியில் வெற்றிபெற்ற அயர்லாந்து அணி முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய அயர்லாந்து அணி, 28.1 ஓவர்கள் நிறைவில் அனைத்து விக்கெட்டுகளையும் இழந்து 101 ஓட்டங்களை பெற்றுக்கொண்டது.
இதனைத்தொடர்ந்து 102 என்ற வெற்றி இலக்கை நோக்கி பதிலுக்கு களமிறங்கிய பங்களாதேஷ் அணி, 13.1 ஓவர்கள் நிறைவில் விக்கெட் இழப்பின்றி வெற்றி இலக்கை கடந்தது. இதனால், பங்களாதேஷ் கிரிக்கெட் அணி 10 விக்கெட்டுகள் வித்தியாசத்தில் அபார வெற்றிபெற்றது.
இப்போட்டியின் ஆட்டநாயகனாக, ஹசன் மொஹமுத் தெரிவுசெய்யப்பட்டதோடு, தொடரின் நாயகனாக முஷ்பிகுர் ரஹீம் தெரிவுசெய்யப்பட்டார்.
