மியாமி பகிரங்க டென்னிஸ் தொடரின், மூன்றாவது சுற்றுப் போட்டிகளில், அட்ரியன் மன்னாரினோ மற்றும் எலெனா ரைபகினா ஆகியோர் வெற்றிபெற்று நான்காவது சுற்றுப் போட்டிக்கு முன்னேறியுள்ளனர்.
ஆண்களுக்கான ஒற்றையர் பிரிவு மூன்றாவது சுற்றுப் போட்டியில், பிரான்ஸின் அட்ரியன் மன்னாரினோ மற்றும் போலந்தின் ஹூபர்ட் ஹர்காக்ஸ் ஆகியோர் மோதினர்.
இப்போட்டியில், பிரான்ஸின் அட்ரியன் மன்னாரினோ, 7(7)-6(5), 7(7)-6(0) என்ற நேர் செட் கணக்குகளில் வெற்றிபெற்று நான்காவது சுற்றுக்கு முன்னேறினார்.
பெண்களுக்கான ஒற்றையர் பிரிவு மூன்றாவது சுற்றுப் போட்டியில், கஸகஸ்தானின் எலெனா ரைபகினா, பெல்ஜியத்தின் எலிஸ் மெர்டென்ஸூடன் மோதினார்.
இப்போட்டியில், கஸகஸ்தானின் எலெனா ரைபகினா, 6-4, 6-3 என்ற நேர் செட் கணக்குகளில் வெற்றிபெற்று நான்காவது சுற்றுக்கு தகுதிபெற்றார்.
