புதிய பயங்கரவாத எதிர்பு சட்டமூலம், ஏற்கனவே காணப்பட்ட பயங்கரவாத தடை சட்டத்தை விட மோசமானதல்ல என நாடாளுமன்ற உறுப்பினர் உறுப்பினர் ராஜித சேனாரத்ன தெரிவித்துள்ளார்.
கொழும்பில் இடம்பெற்ற ஊடகவியலாளர்கள் சந்திப்பின் போதே அவர் இந்த விடயத்தினைக் குறிப்பிட்டுள்ளார்.
இதன்போது கருத்து வெளியிட்ட அவர், “நாட்டில் வன்முறைகள், இனக்கலவரங்கள் ஏற்பட்ட போது அவசரகால சட்டத்தைப் பயன்படுத்தியே அப்போதைய தலைவர்கள் அதனை கட்டுப்பாட்டுக்குள் கொண்டு வந்தனர்.
அன்று பயங்கரவாதத் தடைசட்டம் காணப்படவில்லை. அத்தோடு இந்த சட்டம் நடைமுறையில் இருந்த போதிலும், வடக்கில் 30 ஆண்டுகள் உள்நாட்டு யுத்தம் இடம்பெற்றது.
பயங்கரவாத எதிர்பு சட்டத்தைக் கொண்டுள்ள நாடுகள் சர்வதேச பயங்கரவாத அச்சுறுத்தல் காரணமாக அதனை நடைமுறைப்படுத்துகின்றன.
ஆனால் இலங்கைக்கு அவ்வாறு சர்வதேச அச்சுறுத்தல்கள் எவையும் இல்லை.
புதிய பயங்கரவாதத் தடைசட்டம் முன்னர் காணப்பட்ட பயங்கரவாதத் தடை சட்டத்தை விட மோசமானதல்ல என்ற போதிலும், அதுவும் சிறந்ததல்ல என்பதே எனது நிலைப்பாடாகும்.“ எனத் தெரிவித்துள்ளார்.
