உணவகமொன்றில் சமையல் எரிவாயு கசிவினால் ஏற்பட்ட தீ விபத்தில் சிக்கி 31 பேர் உயிரிழந்த சம்பவம் சீனாவில் பெரும் சோகத்தை ஏற்படுத்தியுள்ளது.
சீனாவின் வடமேற்கு யின்சுவான் நகரத்தில் இயங்கிவரும் ஃபுயாங் பார்பெக்யு உணவகத்திலேயே நேற்றைய தினம் இச்சம்பவம் இடம்பெற்றுள்ளது.
இவ்விபத்தில் 31 பேர் உயிரிழந்துள்ளனர் எனவும் 7 பேர் படுகாயங்களுக்குள்ளான நிலையில் வைத்தியசாலையில் அனுமதிக்கப்பட்டு சிகிச்சை பெற்று வருகின்றனர் எனவும் தெரிவிக்கப்பட்டுள்ளது.
