புலவாயோ மைதானத்தில் இடம்பெற்ற மற்றுமொரு போட்டியில் அயர்லாந்து அணி 138 ஓட்டங்களினால் அபார வெற்றி பெற்றுள்ளது.
இப்போட்டியில் நாணய சுழற்சியில் வெற்றி பெற்ற ஐக்கிய அரபு இராச்சிய அணி, அயர்லாந்து அணியை முதலில் துடுப்பெடுத்தாட அழைத்தது.
அதன்படி முதலில் களமிறங்கிய அயர்லாந்து அணி நிர்ணயிக்கப்பட்ட 50 ஓவர்கள் நிறைவில் 4 விக்கெட்களை மாத்திரமே இழந்து 349 ஓட்டங்களை பெற்றுக்கொண்டது.
அவ்வணி சார்பாக பவுல் ஸ்டேர்லிங் 162 ஓட்டங்களையும் அண்ட்ரூ பல்பர்னி 66 ஓட்டங்களையும் ஹாரி டெக்டர் 57 ஓட்டங்களையும் அதிகபட்சமாக பெற்றுக்கொண்டனர்.
இதனை தொடர்ந்து பதிலுக்கு துடுப்பெடுதாடிய ஐக்கிய அரபு இராச்சிய அணி 39 ஓவர்கள் நிறைவில் அனைத்து விக்கெட்களையும் இழந்து 211 ஓட்டங்களை மாத்திரமே பெற்று தோல்வியை தழுவியது.
அவ்வணி சார்பாக துடுப்பாட்டத்தில் சஞ்சித் சர்மா 44 ஓட்டங்களை பெற்றுக்கொடுக்க, பந்துவீச்சில் அய்லந்து அணி சார்பாக ஜோசுவா லிட்டில், அண்டி மெக்பிரைன், ஜோர்ஜ் டோக்ரெல் மற்றும் கர்டிஸ் கேம்பர் ஆகியோர் தலா 2 விக்கெட்களை கைப்பற்றினர்.
