நாடு முழுவதுமுள்ள அரச வைத்தியசாலைகளில் நிலவும் குறைபாடுகளுக்கு எதிர்ப்புத் தெரிவித்து நாளை (செவ்வாய்க்கிழமை) தொழிற்சங்க நடவடிக்கையொன்று முன்னெடுக்கப்படவுள்ளது.
குறித்த போராட்டமானது கொழும்பு தேசிய வைத்தியசாலையில் முன்னெடுக்கவுள்ளதாக
தொழில்நுட்பவியலாளர்களின் சங்கத்தின் தலைவர் சானக்க தர்மவிக்ரம தெரிவித்துள்ளார்.
குறித்த போராட்டமானது மருத்துவ உபகரணங்களுக்கு ஏற்பட்டுள்ள தட்டுப்பாடு, மருத்துவ ஊழியர்களுக்கு ஏற்பட்டுள்ள நோய் நிலைமை, வைத்தியசாலைகளிலுள்ள குறைபாடுகள் என்பவற்றுக்கு தீர்வைப் பெற்றுக்கொள்ளும் முகமாக முன்னெடுக்கப்படவுள்ளது.
இதன்படி இந்த தொழிற்சங்க நடவடிக்கையில், சுகாதார சேவைப்பிரிவினர், இரசாயன ஆய்வுகூட சேவைப்பிரிவு, கதிரியக்க பிரிவு உள்ளிட்ட பல்வேறு தரப்பினர் இந்த தொழிற்சங்க நடவடிக்கைகளில் கலந்துகொள்வார்கள் என்றும் இதனால் நாளை தேசிய வைத்தியசாலையின் பணிகளில் பாதிப்பு ஏற்படும் என்றும் அறிவிக்கப்பட்டுள்ளது.
