நடுவானில் பெண்ணை சிறுநீர் கழிக்க வைத்த துயரம்; நெஞ்சை உலுக்கும் வீடியோ வெளியானது

நடுவானில் வைத்து  பயணியொருவரை விமானப் பணிப்பெண்ணொருவர் சிறுநீர் கழிக்க வைத்த சம்பவம் பெரும் அதிர்வலைகளை ஏற்படுத்தியுள்ளது.

அமெரிக்காவைச் சேர்ந்த ஸ்பிரிட் ஏர்லைன் என்னும் நிறுவனத்திற்குச் சொந்தமான விமானத்திலேயே இச்சம்பவம் இடம்பெற்றுள்ளது.

சம்பவ தினத்தன்று  பெண் பயணியொருவர் இரண்டு மணி நேரமாக சிறுநீர் கழிப்பதற்காக அங்குள்ள விமான பணிப்பெண் ஊழியர்களை அணுகியுள்ளார்.

எனினும்  அவர்கள் விசித்திரமான காரணங்களைக்  கூறி கழிவறையைப்  பயன்படுத்த மறுப்புத் தெரிவித்துள்ளனர்.

இதைத் தொடர்ந்து விமானத்தின் தளத்திலேயே அனைவரின் முன்பும் சிறுநீர் கழிக்கும் கட்டாயத்திற்கு அந்த பெண் பயணி தள்ளப்பட்டார்.

இப்படியொரு  அவலமான சூழ்நிலையை அந்தப் பெண் பயணிக்கு விமானப்பணிப்பெண் ஏற்படுத்தியதோடு மட்டுமல்லாமல், உங்களது சிறுநீர் துர்நாற்றம் வீசுகின்றது எனஅவரை கிண்டல் செய்து கொண்டே வீடியோ எடுத்துள்ளார்.

இந்நிலையில்  இது குறித்த  வீடியோவானது இணையத்தில் வெளியாகி பெரும் அதிர்வலைகளை ஏற்படுத்தியுள்ள  நிலையில் பலரும் அப்பணிப்பெண்ணைக் கண்டித்து தமது கருத்துக்களைப் பதிவிட்டு வருகின்றனர்.

கடந்த ஆண்டு நவம்பர் மாதம் நியூயோர்க்கில் இருந்து டெல்லிக்கு ஏர் இந்தியா விமானத்தில் பயணித்த ஆண் பயணி ஒருவர் குடிபோதையில் அருகிலிருந்த பெண் மீது சிறுநீர் கழித்ததாக புகார் எழுந்த நிலையில் பெரும் சர்ச்சைக்குரிய நிகழ்வாக பார்க்கப்பட்டமை குறிப்பிடத்தக்கது.

Woman urinates in the corner of her Spirit Airlines flight, after allegedly being told for 2 hours that she couldn’t use the bathroom
🔗: https://t.co/3na7Qxpm08 pic.twitter.com/OfvymAjK2k

— Glock Topickz (@Glock_Topickz) July 22, 2023