ரத்வத்த தோட்ட சம்பவத்தின் பின்னணியில் எதிர்க்கட்சியின் உறுப்பினர் ஒருவர் உள்ளதாக அமைச்சர் பிரசன்ன ரணதுங்க குற்றம் சுமத்தியுள்ளார்.
நாடாளுமன்றத்தில் இன்று உரையாற்றியபோதே அவர் இதனைக் குறிப்பிட்டுள்ளார். இவ்விடயம் தொடர்பாக அவர் மேலும் தெரிவிக்கையில்,
“இந்த சம்பவம் தொடர்பாக சட்டம் நிலைநாட்டப்பட வேண்டும் என்பதில் நாமும் உறுதியாக உள்ளோம்.
இந்த சம்பவத்தின் பின்னணியில் எதிர்க்கட்சியின் ஒரு உறுப்பினர் உள்ளார் என்று தகவல் வந்துள்ளது.
எனவே, இதுதொடர்பாக விசாரணை நடத்தி, சம்பந்தப்பட்ட அனைவருக்கு எதிராகவும் நடவடிக்கை எடுக்க வேண்டும் என்று நாம் கேட்டுக் கொள்கிறோம்.
இவ்வாறான சம்பவங்கள் நாடளாவிய ரீதியாக நடைபெற்றுக் கொண்டுதான் இருக்கின்றன.
ஆனால், இதனை வைத்து அரசியல் செய்ய முற்படக்கூடாது.
சம்பவம் இடம்பெற்றதைத் தொடர்ந்து ஜீவன் தொண்டமான் அங்கு சென்று நடவடிக்கை எடுத்திருந்தார்.
ஆனால், எதிர்க்கட்சியினர் இதனை அரசியலாக்க முற்படுகிறார்கள்” என அவர் மேலும் தெரிவித்துள்ளார்.
