மஹிந்திரா குழுமத்தின் தலைவரான ‘ஆனந்த் மஹிந்திரா‘ உலகக்கோப்பை செஸ் போட்டியில் 2 ஆம் இடத்தைப் பெற்ற ஆர்.பிரக்ஞானந்தாவின் பெற்றோருக்கு எலக்ட்ரிக் கார் ஒன்றை பரிசளிக்கப் போவதாக அறிவித்துள்ளார்.
இதுகுறித்து அவர் கூறியதாவது” குழந்தைகளுக்கு வீடியோ கேம்களை கொடுக்காமல், மூளைக்கு வேலை கொடுக்கும் செஸ் போன்ற விளையாட்டுகளை அறிமுகப்படுத்தும் பெற்றோர்களை ஊக்குவிக்க விரும்புகிறேன்.
உங்களைப் போன்ற பலர் பிரக்ஞானந்தாவுக்கு ஒரு தார் (Thar) பரிசளிக்குமாறு என்னை வலியுறுத்தி வருகின்றனர். ஆனால் எனக்கு வேறு யோசனை இருக்கிறது.
பிரக்ஞானந்தாவின் பெற்றோர், நாகலட்சுமி மற்றும் ரமேஷ்பாபு ஆகியோருக்கு ஒரு எக்ஸ்யூவி 4 ஓஇவியை பரிசளிக்க வேண்டும் என்று நான் நினைத்தேன் ”இவ்வாறு அவர் குறிப்பிட்டுள்ளார்.
அசர்பைஜான் நாட்டில் நடைபெற்ற உலகக்கோப்பை செஸ் தொடரின் இறுதிப்போட்டியில் ஐந்து முறை உலக சாம்பியன் பட்டத்தை சுவீகரித்த நோர்வே நாட்டைச் சேர்ந்த மேக்னஸ் கார்ல்சனிடம் பிரக்ஞானந்தா தோல்வியைத் தழுவியிருந்தார் என்பது குறிப்பிடத்தக்கது.
