ஆசியக் கிண்ண தொடர் ஆரம்பமாகியுள்ள நிலையில் இன்று வியாழக்கிழமை குழு பி பிரிவுக்கான போட்டிகள் இடம்பெறவுள்ளன.
கண்டி பல்லேகலை மைதானத்தில் இடம்பெறவுள்ள இப்போட்டியில் இலங்கை அணியும் பங்களாதேஷ் அணியும் பலப்பரீட்சை நடத்தவுள்ளன.
இலங்கை அணியில் பலர் குறிப்பாக வனிந்து ஹசாரங்க, டில்ஷான் மதுஷங்க, துஷ்மந்த சமீர ஆகியோர் உபாதை காரணமாக வெளியேறியுள்ளனர்.
இருப்பினும் காயம் அடைந்த வனிந்து ஹசரங்கவுக்கு பதிலாக லெக் ஸ்பின்னிங் சகலதுறை வீரரான துஷான் ஹேமந்த இடம்பிடிக்க வாய்ப்புள்ளது.
இதேவேளை, கொரோனா தொற்றில் இருந்து மீண்டு வரும் குசல் பெரேரா, இன்றைய போட்டியில் விளையாட தகுதியானவரா என்பது தெளிவாக இல்லை.
இதேநேரம் போட்டியின் தொடக்கத்தில் இடியுடன் கூடிய மழை பெய்யும் என கணிக்கப்பட்டுள்ளது.
