அவுஸ்ரேலிய அணிக்கு எதிரான 2023 ஆம் ஆண்டுக்கான உலகக்கிண்ண தொடரின் 10 ஆவது போட்டியில் முதலில் துடுப்பெடுத்தாடிய தென்னாபிரிக்க அணி 311 ஓட்டங்களை குவித்துள்ளது.
ஆடவருக்கான 2023 ஆம் ஆண்டுக்கான உலகக்கிண்ண தொடரின் 10 ஆவது போட்டி லக்னோவில் இன்று ஆரம்பமாகியது.
தென்னாபிரிக்கா அணிக்கு எதிரான இன்றைய போட்டியில் நாணய சுழற்சியில் வெற்றிபெற்ற அவுஸ்ரேலிய அணி முதலில் பந்துவீச தீர்மானித்தது.
அதன்படி முதலில் களமிறங்கிய தென்னாபிரிக்க அணி நிர்ணயிக்கப்பட்ட 50 ஓவர்கள் நிறைவில் 7 விக்கெட்களை இழந்து 311 ஓட்டங்களை பெற்றுக்கொண்டது.
அவ்வணி சார்பாக ஆரமப துடுப்பாட்ட வீரர் குயின்டன் டி கொக் 109 ஓட்டங்களையும் ஏய்டன் மார்க்ரம் 56 ஓட்டங்களையும் அதிகபட்சமாக பெற்றுக்கொண்டனர்.
பந்துவீச்சில் அவுஸ்ரேலிய அணி சார்பாக மிட்செல் ஸ்டார்க் மற்றும் கிளைன் மக்ஸ்வெல் ஆகியோர் தலா இரண்டு விக்கெட்களை சாய்ந்தனர்.
இதனை தொடர்ந்து 312 ஓட்டங்களை எடுத்தால் வெற்றி என்ற இலக்கோடு அவுஸ்ரேலிய ஆணை பதிலுக்கு துடுப்பெடுத்தாடி வருகின்றது.
