நுகேகொட நகரில் உள்ள புகையிரத கடவை திருத்த வேலைகள் காரணமாக வாகன போக்குவரத்து மட்டுப்படுத்தல் தொடர்பில் பொலிஸாரினால் அறிவித்தல் விடுக்கப்பட்டுள்ளது.
குறித்த வீதியின் ஒரு பகுதியை தற்காலிகமாக மூடுமாறு புகையிரத திணைக்களம் கோரிக்கை விடுத்துள்ளது.
அதன்படி, இன்று (02) காலை 8 மணி முதல் நாளை (03) காலை 6 மணி வரை களனிவெளி புகையிரத பாதையில் நுகேகொட ஸ்டன்லி திலகரட்ன மாவத்தை புகையிரத கடவையின் ஒரு பகுதி மூடப்படவுள்ளதால் மாற்று வழிகளை பயன்படுத்துமாறு பொலிஸார் மக்களிடம் கோரிக்கை விடுத்துள்ளனர்.
மாற்று வழிகள் பின்வருமாறு,
நுகேகொட சுப்பர் மார்க்கெட் சந்தியிலிருந்து கொழும்புக்கு பிரவேசிக்கும் அனைத்து வாகனங்களும் நாவல வீதி, நாரஹேன்பிட்டி சந்தி ஊடாக கொழும்புக்கு செல்ல முடியும்.
நுகேகொட சுப்பர் மால் சந்தியிலிருந்து கிருலப்பனை, தெஹிவளை, களுபோவில மற்றும் கொ{ஹவல நோக்கி பயணிக்கும் அனைத்து இலகுரக வாகனங்களும் நுகேகொட பொலிஸ் நிலையத்திற்கு அருகில் உள்ள பூர்வாரம வீதியூடாக கிருலப்பன சிபல் சந்தியை நோக்கிச் சென்று உயர்மட்ட வீதிக்குள் பிரவேசிக்க முடியும்.
ஹைலெவல் வீதியிலிருந்து நுகேகொட சுப்பர் மால் சந்தி நோக்கி வரும் அனைத்து இலகுரக வாகனங்களும் நுகேகொட புகையிரத நிலையத்திற்கு அருகில் உள்ள ஜனதா பொல வீதியிலிருந்து தெற்கே சென்று பரண கெஸ்பேவ வீதிக்கு சென்று நுகேகொட சுப்பர் மால் சந்தியை நோக்கி இடதுபுறமாக திரும்பலாம்.
ஹைலெவல் வீதியிலிருந்து நுகேகொட சுப்பர் மால் சந்தி நோக்கி பயணிக்கும் அனைத்து கனரக வாகனங்களும் ஹைலெவல் வீதியிலிருந்து கிராம சபை சந்தியை அடைந்து இடதுபுறம் திரும்பலாம்.
நுகேகொட சுப்பர் மார்க்கெட் சந்தியிலிருந்து ஹைலெவல் வீதியை நோக்கிப் பயணிக்கும் பஸ்கள் உட்பட அனைத்து கனரக வாகனங்களும் பரண கஸ்பேவ வீதிச் சந்தி வரை சென்று வலப்புறம் திரும்பி கம்சப சந்தியிலிருந்து ஹைலெவல் வீதிக்கு செல்லலாம்.
