காசா நகரின் கிழக்குப் பகுதியில் இஸ்ரேலிய தாக்குதலைத் தொடர்ந்து காசாவில் குறைந்தது மூன்று சிவில் பாதுகாப்பு உறுப்பினர்கள் கொல்லப்பட்டுள்ளதாக தெரிவிக்கப்பட்டுள்ளது.
வடக்கு காசாவின் பலுஜா பகுதியில் இஸ்ரேலியப் படைகள் அம்பியூலன்ஸ் மீது நடத்திய துப்பாக்கிச்சூட்டில் இரண்டு துணை மருத்துவர்கள் காயமடைந்தனர் என்றும் அறிவிக்கப்பட்டுள்ளது.
காசாவின் வடக்கு முனையில் உள்ள ஜபாலியாவில் உள்ள ஒரு வீட்டின் மீதும், தெற்கு காசா பகுதியில் உள்ள கான் யூனிஸ் மீதும் இன்று காலை செல் தாக்குதல் நடத்தப்பட்டதாக தெரிவிக்கப்பட்டுள்ளது.
இதேநேரம் வடக்கு காசாவின் பலுஜா பகுதியில் அதிகாலையில் நடந்த குண்டுவெடிப்பில் பாலஸ்தீன செஞ்சிலுவை சங்கத்தின் தன்னார்வலர் ஒருவர் கொல்லப்பட்டதாக அறிவிக்கப்பட்டுள்ளது.
