எதிர்வரும் 2030ஆம் ஆண்டு வரை சிறிய படகுகளில் குடியேறுபவர்களின் வருகையை நிர்வகிக்க உள்துறை அலுவலகம் குறைந்தபட்சம் 700 மில்லியன் பவுண்டுகளை ஒதுக்கியுள்ளது.
அதிகாரிகள் கடந்த வாரம் இணையத்தில் கணிப்புகளை வெளியிட்டனர், இதன்மூலம் இந்த தகவல் வெளிவந்துள்ளது.
படகுகள் வருவதை தடுத்து நிறுத்த ஒரு புதிய ஒப்பந்தத்தில் கையெழுத்திட உள்துறை செயலாளர் ஜேம்ஸ் க்ளெவர்லி ருவாண்டாவிற்கு பயணம் மேற்கொண்டுள்ளார்.
சிறிய படகுகளில் கடவைகளை கடப்பது, எதிர்வரும் 2034ஆம் ஆண்டு வரை தொடரலாம் என்று திட்டங்கள் கணித்துள்ளன.
இதனிடையே, தற்போதைய கொள்முதல் திட்டம் குறித்து கருத்து தெரிவிப்பது பொருத்தமற்றது என்று உள்துறை அலுவலக செய்தித் தொடர்பாளர் கூறினார்.
ஆனால், அரசாங்கத்தின் ஒப்பந்த இணையதளத்தில் உள்ள பொதுவில் கிடைக்கும் தகவல், கென்ட்டில் குறைந்தபட்சம் 2030 வரை மற்றும் 2034 வரை இரண்டு பெரிய வசதிகளை நடத்துவதற்கு குறைந்தபட்சம் ஒரு முக்கிய பங்குதாரரையாவது உள்துறை அலுவலகம் விரும்புகிறது என்பதைக் காட்டுகிறது.
