உத்தியோக பூர்வ விஜயம் மேற்கொண்டு ஸ்பெயின் சென்றுள்ள தமிழக முதலமைச்சர் மு.க ஸ்டாலின் பிரபல டென்னிஸ் வீரர் ஜோகோவிச்சை சந்தித்துக் கலந்துரையாடியுள்ளார்.
வெளிநாட்டு முதலீடுகளை ஈர்க்கும் விதமாக 8 நாட்கள் உத்தியோக பூர்வ விஜயம் மேற்கொண்டு கடந்த சனிக்கிழமை ஸ்பெயினை சென்றடைந்த மு.க ஸ்டாலின் இன்று அங்கு நடைபெறும் முதலீட்டாளர்கள் மாநாட்டிலும் கலந்துகொண்டார்.
இந்நிலையில் தனது பயணத்தின் இடையே விமானத்தில் வைத்து டென்னிஸ் வீரர் ஜோகோவிச்சை சந்தித்ததாக தனது எக்ஸ் தளத்தில் முதலமைச்சர் பதிவிட்டுள்ளார்.
இது குறித்த புகைப்படங்கள் தற்போது இணையத்தில் வைரலாகி வருகின்றமை குறிப்பிடத்தக்கது.
