லைக்கா குழுமத்தின் தலைவர் அல்லிராஜா சுபாஸ்கரனின் லைக்கா புரடக்ஸன் நிறுவனத்தின் மற்றுமொரு வெற்றிப்படைப்பாக வெளிவந்துள்ளது லால் சலாம் திரைப்படம்.
ஐஸ்வர்யா ரஜினிகாந்த் இயக்கத்தில் வெளிவந்துள்ள லால் சலாம் திரைப்படத்தில் சூப்பர்ஸ்டார் ரஜினிகாந்த் சிறப்புத் தோற்றத்தில் நடித்திருக்கின்றார்.
விக்ராந்த் மற்றும் விஷ்ணு விஷால் இருவரும் ஹீரோவாக நடித்துள்ள இப்படத்திற்கு ஏ.ஆர். ரஹ்மான் இசையமைத்துள்ளதுடன் லைக்கா நிறுவனம் இப்படத்தினைத் தயாரித்துள்ளது.
இப்படத்தில் சிறப்பு தோற்றத்தில் நடித்திருக்கும் கே.எஸ். ரவிக்குமாரும், முன்னாள் இந்தியக் கிரிக்கெட் அணித்தலைவர் கபில்தேவும் படத்திற்கு வலுச் சேர்த்திருக்கின்றனர்.
இவர்கள் தவிர தம்பி இராமையா, நகைச்சுவை நடிகர் செந்தில்,நிரோஷா உள்ளிட்டவர்களும் இத்திரைப்படத்திற்கு உயிரூட்டியிருக்கின்றனர்.
பாரிய எதிர்பார்ப்புக்கு மத்தியில் வெளியான லால் சலாம் படம் விமர்சனங்களை பெற்று வரும் நிலையில், இரசிகர்கள் மத்தியில் பெரும் வரவேற்பைப் பெற்று வெற்றி பெற்றிருக்கின்றது.
இலங்கை இரசிகர்கள் அனைத்து சவோய் சினிமா திரையரங்குகளிலும், மற்றும் உங்கள் அருகில் உள்ள அனைத்து திரையரங்குகளிலும், இத்திரைப்படத்தினைக் கண்டு களிக்கலாம் எனத் தெரிவிக்கப்பட்டுள்ளது.
