இரண்டாவது T20 போட்டியில் ஆப்கானிஸ்தான் அணிக்கு 188 ஓட்டங்களை இலங்கை அணி வெற்றி இலக்காக நிர்ணயித்துள்ளது.
இப்போட்டி ஆரம்பமாகி நாணய சுழற்சியில் வெற்றிபெற்ற ஆப்கானிஸ்தான் அணி முதலில் களத்தடுப்பை தெரிவு செய்த நிலையில் இலங்கை அணி முதலில் துடுப்பெடுத்தாடியது.
அதன்படி நிர்ணயிக்கப்பட்ட 20 ஓவர்கள் நிறைவில் இலங்கை அணி 6 விக்கெட்களை இழந்து 187 ஓட்டங்களை பெற்றுக்கொண்டது.
இலங்கை அணி சார்பாக சதீர சமரவிக்ரம 51 ஓட்டங்களையும் அதிரடி காட்டிய மத்தியூஸ் 22 பந்துகளில் 42 ஓட்டங்களையும் பத்தும் நிஸ்ஸங்க 25 ஓட்டங்களையும் குசல் மெண்டிஸ் 23, ஹசர்ங்க 22 ஓட்டங்களை பெற்றுக்கொடுத்தனர்.
ஆப்கானிஸ்தான் அணியின் பந்துவீச்சில் அஸ்மத்துல்லா உமர்சாய் மற்றும் மொஹமட் நபி ஆகியோர் தலா இரண்டு விக்கெட்களையும் பசல்ஹக் பாரூக்கி மற்றும் நவீன் உல் ஹக் ஆகியோர் தலா ஒரு விக்கெட்டினையும் வீழ்த்தினர்.
இதனை தொடந்து 188 ஓட்டங்கள் என்ற வெற்றி இலக்கோடு ஆப்கானிஸ்தான் அணி பதிலுக்கு துடுப்பெடுத்தாடவுள்ளது.
