ஜனநாயகத்திற்கான வெஸ்ட்மினிஸ்டர் அறக்கட்டளையின் ஆசிய பசுபிக் மற்றும் அமெரிக்கா பிராந்திய பணிப்பாளர் மேத்யூ ஹெட்ஜஸ் சபாநாயகர் மஹிந்த யாப்பா அபேவர்தனவை சந்தித்துள்ளார்.
அண்மையில் நாடாளுமன்றத்தில் குறித்த சந்திப்பு இடம்பெற்றுள்ளது.
இதன்போது சபாநாயகர் மஹிந்த யாப்பா அபேவர்தன, இலங்கை நாடாளுமன்றத்துடன் நெருக்கமாகச் செயற்படும் ஜனநாயகத்துக்கான வெஸ்ட்மினிஸ்டர் அறக்கட்டளை, அரசாங்க நிதிக் குழு, பொது நிறுவனங்கள் தொடர்பான குழு மற்றும் அரசாங்கக் கணக்குக் குழுவிற்கு வழங்கிய பங்களிப்பை பாராட்டினார்.
இதன் மூலம் ஜனநாயகத்தை மேலும் வலுப்படுத்துவது சாத்தியமாகியுள்ளதாக தெரிவித்த சபாநாயகர், இந்த ஆதரவிற்கு நன்றி தெரிவிப்பதோடு, எதிர்காலத்திலும் இதே ஆதரவை எதிர்பார்ப்பதாகவும் அவர் தெரிவித்தார்.
மேலும் இந்த நிகழ்வில் நாடாளுமன்ற செயலாளர் நாயகம் குஷானி ரோஹனதீர மற்றும் இலங்கை வெஸ்ட்மினிஸ்டர் அறக்கட்டளையின் பணிப்பாளர் சஞ்சய் விக்னராஜா ஆகியோர் கலந்துகொண்டிருந்தமை குறிப்பிடத்தக்கது.
