இந்தியா முழுவதிலும் வாழும் இஸ்லாமியர்கள் இன்று ரமழான் பண்டிகையை கொண்டாடுகின்றனர்.
இந்நிலையில் , ரமழான் பண்டிகைக்கு பிரதமர் நரேந்திர மோடி தனது எக்ஸ் தளத்தில் வாழ்த்து தெரிவித்துள்ளார்.
இந்நிலையில் , தமிழக வெற்றிக்கழகத்தின் தலைவரும் நடிகருமான விஜய் தனது வாழ்த்தினை பகிர்ந்துள்ளார்.
அதற்கமைய , புனித ரமழான் மாதத்தில் இறைவனை வேண்டி நோன்பிருந்து, அன்பு, கருணை, சகோதரத்துவம், ஈகை உள்ளிட்ட உயரிய பண்புகளை உலகுக்கு எடுத்துக்கூறும் இஸ்லாமிய உறவுகள் அனைவருக்கும் என் நெஞ்சம் நிறைந்த ரமழான் திருநாள் வாழ்த்துகள் என தெரிவித்துள்ளார்.
மேலும் , முதலமைச்சர் மு.க ஸ்டாலின், அதிமுக பொதுச் செயலாளர் எடப்பாடி பழனிசாமி, பா.ம.க. நிறுவனர் டாக்டர் ராமதாஸ், தமிழக காங்கிரஸ் தலைவர் செல்வப்பெருந்தகை, த.மா.கா. தலைவர் ஜி.கே.வாசன், பா.ம.க. தலைவர் டாக்டர் அன்புமணி ராமதாஸ், டி.டி.வி.தினகரன் உள்ளிட்ட தலைவர்கள் வாழ்த்துக்களை பகிர்ந்துள்ளமை குறிப்பிடத்தக்கது.
