கடந்த 24 மணித்தியாலங்களில் பல பகுதிகளில் இடம்பெற்ற வீதி விபத்துக்களில் இருவர் உயிரிழந்துள்ளதுடன் 14 பேர் வைத்தியசாலையில் அனுமதிக்கப்பட்டுள்ளனர்.
சாரதிகளின் கவனக்குறைவு மற்றும் மதுபோதையினால் இந்த விபத்துக்கள் இடம்பெற்றுள்ளதாக பொலிஸார் குறிப்பிட்டுள்ளனர்.
பதுளை – பண்டாரவளை பிரதான வீதியில் இன்று காலை மரமொன்றில் கார் மோதி விபத்துக்குள்ளானதில் இருவர் உயிரிழந்துள்ளதுடன் மேலும் இருவர் காயமடைந்துள்ளனர்.
பதுளை பிரதேசத்தில் உள்ள உறவினர் வீடொன்றிற்குச் சென்றுவிட்டுத் திரும்பிக் கொண்டிருந்தவர்களுக்கே இவ்விபத்து நேர்ந்துள்ளது.
தனமல்வில – வெல்லவாய வீதியில் கெப் வண்டியொன்று இரண்டு மோட்டார் சைக்கிள்களுடன் மோதியதில்இ குடிபோதையில் இருந்த கெப் வண்டியின் சாரதி உட்பட ஐவர் காயமடைந்து தனமல்வில ஆதார வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.
காலியில் இருந்து எல்ல ஊடாக ஹப்புத்தளை நோக்கி சென்று கொண்டிருந்த வேன் ஒன்று ஒட்டக்கடை பகுதியில் உள்ள குன்றின் மீது வீழ்ந்ததில் 6 பேர் காயமடைந்துள்ளனர்.
சாரதியால் வாகனத்தை கட்டுப்படுத்த முடியாமல் வீதியை விட்டு விலகி ஓடியதாக பொலிஸார் தெரிவித்தனர்.
