இந்தியாவில் நடைபெற்றுவரும் IPL கிரிக்கெட் போட்டியில் பங்குபற்றிவரும் டெல்லி கெப்பிட்டல்ஸ் அணியில் வலைப் பந்துவீச்சாளராக கருக்க சன்கேத் இணைந்துள்ளார்.
தென் ஆபிரிக்காவில் பெப்ரவரி மாதம் நடைபெற்ற 19 வயதுக்குட்பட்ட உலகக் கிண்ண கிரிக்கெட் போட்டியில் இலங்கைக்காக 4 போட்டிகளில் கருக்க சன்கேத் விளையாடியிருந்தார்.
வலதுகை வேகப்பந்துவீச்சாளரான அவரது வித்தியாசமான பந்துவீச்சுப் பாணி டெல்லி கெப்பிட்டல்ஸ் உரிமையாளர்களை வெகுவாக கவர்ந்ததை அடுத்தே அவரை வலைப் பந்துவீச்சாளராக அவ்வணியினர் இணைத்துக் கொண்டுள்ளனர்.
18 வயதான சன்கேத், லைசியம் சர்வதேச பாடசாலையின் பழைய மாணவரும் கிரிக்கெட் வீரருமாவார்.
கடந்த இரண்டு வருடங்களாக 19 வயதுக்குட்பட்ட இலங்கை அணியில் இடம்பெற்றுவந்து கருக்க சன்கேத், 16 கனிஷ்ட சர்வதேச ஒருநாள் கிரிக்கெட் போட்டிகளில் 22 விக்கெட்களைக் கைப்பற்றியுள்ளமை குறிப்பிடத்தக்கது
