வெலிகம பிரதேசத்தில் அமைந்துள்ள முஸ்லிம் பெண்கள் கல்லூரி ஒன்றில் இன்று தீ பரவியுள்ளதாக தெரிவிக்கப்படுகின்றது.
கல்லூரியின் தங்கும் விடுதி அமைந்துள்ள நான்கு மாடிக் கட்டிடத்தின் மூன்றாவது மாடியில் தீ பரவியதாகத் தெரிவிக்கப்படுகிறது.
இதனை அடுத்து மாத்தறை மாநகரசபை தீயணைப்புப் பிரிவு, வெலிகம பொலிஸார் மற்றும் பிரதேசவாசிகள் இணைந்து தீயை அணைக்க உதவியதாகவும், தீ கட்டுப்பாட்டுக்குள் கொண்டுவரப்பட்டுள்ளதாகவும் தெரிவிக்கப்படுகிறது.
மேலும் தீயினால் ஏற்பட்ட சேத விபரங்கள் இதுவரை வெளிவராத நிலையில் கடந்த மார்ச் 3ஆம் திகதி இதே பெண்கள் பாடசாலையில் தீ விபத்து ஏற்பட்டிருந்தமையும் குறிப்பிடத்தக்கது.
