தெற்கு சீனாவின் குவாங்டொங்கிலுள்ள அதிவேக நெடுஞ்சாலையில் ஏற்பட்ட மண்சரிவில் சிக்கி உயிரிழந்தோர் எண்ணிக்கை அதிகரித்துள்ளதாக அந்நாட்டு ஊடகங்கள் செய்தி வெளியிட்டுள்ளன.
முதற்கட்டமாக 19 பேர் உயிரிழந்துள்ளதாக செய்திகள் வெளியாகி இருந்த நிலையில், மண்சரிவில் சிக்கி தற்போது வரை 48 பேர் உயிரிழந்துள்ளதாக தெரிவிக்கப்பட்டுள்ளது.
கன மழை காரணமாக தெற்கு சீனாவின் குவாங்டொங்கிலுள்ள அதிவேக நெடுஞ்சாலையில் 18 மீற்றர் பகுதி மண்சரிவினால் பாதிக்கப்பட்டுள்ளதுடன், பல வாகனங்கள் சேதமடைந்துள்ளன.
அத்துடன், விபத்தில் பலர் படுகாயமடைந்துள்ளதாகவும், அவர்கள் வைத்தியசாலையில் சிகிச்சை பெற்று வருவதாகவும் தெரிவிக்கப்படுகின்றது.
இந்நிலையில், மண்சரிவில் சிக்கியவர்களை மீட்கும் பணியில் சுமார் 500 பேர் ஈடுபடுத்தப்பட்டுள்ளதாக அந்நாட்டு அதிகாரிகள் குறிப்பிட்டுள்ளனர்.
